- జగన్ అరాచకపాలపై షర్మిల విమర్శలకు చంద్రబాబుకి సంబంధమేమిటి
- షర్మిల వ్యాఖ్యలపై సజ్జల, వైసీపీ నేతల మాటలు దిగజారుడు రాజకీయాలకు నిదర్శనం
- బాబాయ్ హత్య తర్వాత తల్లి, చెల్లితో జగన్కు దూరం పెరిగింది నిజం కాదా?
- 2019లో కోడికత్తి డ్రామా ఆడిన జగన్రెడ్డి.. ఇప్పుడు ఫ్యామిలీ డ్రామాకు తెరలేపాడు
- ఎన్ని పిచ్చివేషాలేసినా ప్రజలు జగన్ ను నమ్మరు
- అన్న అవినీతి, బాబాయ్ హత్యకేసుపై కూడా షర్మిల పోరాడాలి
- అభివృద్ధి చేసిన చంద్రబాబుని, అవినీతిపరుడైన తన అన్నను షర్మిల ఒకే గాటన కడితే ఎలా?
- ప్రత్యేకహోదా కోసం చంద్రబాబు చేసిన పోరాటం షర్మిలకు తెలియదా?
అమరావతి: కాంగ్రెస్ తరుపున వైఎస్ షర్మిల రాజకీయ పోరాటం చేస్తూ, జగన్ రెడ్డి అరాచక పాలనపై విమర్శలు చేస్తుంటే సమాధానం చెప్పుకోలేని వైసీపీ నేతలు ఇందులోకి అనవసరంగా తమ పార్టీ అధి నేత చంద్రబాబు పేరు తీసుకువస్తున్నారని టీడీపీ పొలిట్బ్యూరో సభ్యుడు, మాజీ మంత్రి నక్కా ఆనంద్బాబు తప్పుబట్టారు. మంగళగిరిలోని పార్టీ జాతీయ కార్యాల యంలో శుక్రవారం ఆనంద్బాబు విలేకరు లతో మాట్లాడుతూ షర్మిలను చంద్రబాబే జగన్ పైకి ప్రయోగించాడని ప్రభుత్వ సల హాదారు సజ్జల రామకృష్ణారెడ్డి, వైసీపీ నేత లు చెప్పడం చూస్తుంటే వాళ్లకు పూర్తిగా మతిపోయిందనే సందేహం కలుగుతోంద న్నారు. వైఎస్ ఇంట్లో రేగిన రచ్చను సజ్జల టీడీపీకి ఆపాదిస్తున్నారని మండిపడ్డారు. షర్మిలతో అవసరం తీరాక ఆమెను జగన్ వదిలేశారు. షర్మిల ప్రశ్నలకు జగన్, సజ్జల సమాధానం చెప్పలేక చంద్రబాబుపై నెపం మోపుతున్నారు. రాజకీయ ప్రయోజనాల కోసం కుటుంబాల్లో కుంపట్లు పెట్టి పబ్బం గడుపు కోవటంలో జగన్రెడ్డిని మించిన ఘనులు ఎవరూ ఉండబోరు. ముఖ్యమం త్రికి, అతని చెల్లి తల్లికి మధ్య ఉన్న విభేదా లకు చంద్రబాబుకి సంబంధం ఏమిటో వైసీపీ నేతలే చెప్పాలని డిమాండ్ చేశారు.
ఇంటిగుట్టు రచ్చకు ఎక్కకుండా చూసు కోవాల్సిన వారు అది చేయకుండా అయిన దానికీ, కాని దానికీ చంద్రబాబుపై నింద లేయడం ఏమిటి? నేను జగనన్న వదిలిన బాణాన్ని అంటూ జగన్ జైల్లో ఉన్నప్పుడు, 2014 ఎన్నికలకు ముందు షర్మిల పాద యాత్ర చేసింది.
2019ఎన్నికలకు ముందు రాష్ట్రమంతా తిరిగి జగనన్నను గెలిపించండి అని ప్రచారం చేసింది. షర్మిల తల్లి విజయమ్మ, భర్త అనిల్ కూడా బైబిల్ చేతపట్టుకొని మరీ జగన్రెడ్డి కోసం ప్రచారం చేశారు. అంత చేసిన చెల్లెలు షర్మిలను ఎందుకు పక్కన పెట్టారో, ఆఖరికి కన్న తల్లిని కూడా ఎందుకు వదిలేశాడో జగన్రెడ్డే చెప్పాలి. షర్మిల ఏ ఎంపీ స్థానం అడిగిందో, ఏం ఆస్తులు అడిగిందో మాకెలా తెలుస్తుంది? అన్నీ తెలిసిన జగనే నోరు విప్పాలని ఆనంద్బాబు అన్నారు.
కుటుంబాలను చీల్చేది జగన్ రెడ్డే
షర్మిల మాటలకు.. మాకు ఏమిటి సం బంధం? ప్రతిదానికీ చంద్రబాబుపై, టీడీపీ పై పడి ఏడవడం జగన్రెడ్డికి, అతని తాబే దార్లకు, అతని నీలి మీడియాకు అలవాటు గా మారింది. తన ఇంట్లో జరిగిన విష యాలకు మమ్మల్ని సమాధానం చెప్ప మంటున్నారు.. సజ్జలకు, వైసీపీ నేతలకు సిగ్గుందా? కుటుంబాలను చీల్చేది, కుటుం బసభ్యుల మధ్య తగాదాలు పెట్టేది జగన్ రెడ్డి, అతని పరివారమే. గతంలో నంద మూరి ఉమామహేశ్వరి అనారోగ్యంతో చనిపోతే, ఆమె మరణాన్ని తన రాజకీయ దుష్ప్రచారాలకు వాడుకుంది వైసీపీ కాదా? పిచ్చిపిచ్చి రాతలతో ఆనాడు కుటుంబ సభ్యుల మధ్య గొడవలు పెట్టే ప్రయత్నం చేసింది మీరుకాదా? సొంత బాబాయ్ ఏమయ్యాడో జగన్ కు తెలియదా? తాను ముఖ్యమంత్రి అయ్యాక కడప ఎంపీ స్థానం విజయమ్మకో, షర్మిలకో ఇవ్వాలని జగన్ బాబాయ్ అనుకున్నాడు. ఆయన ఆలోచ నకు విరుద్ధంగా జగన్ ఆ సీటుని తన భార్య తరుపు బంధువు అయిన అవినాశ్ రెడ్డికి ఇచ్చాడు. అప్పుడే వైసీపీ గౌరవాధ్య క్షురాలిగా ఉన్న తల్లి విజయమ్మను జగన్ ఇంటి నుంచి వెళ్లగొట్టాడు. జగన్ కుటుం బంలో కుంపటి అప్పుడే మొదలైంది. బాబా య్ హత్య తర్వాత తల్లితో, చెల్లితో జగన్ రెడ్డికి దూరం పెరిగింది. ఆ విషయాలతో పాటు ఆస్తి పంపకాల వద్ద కూడా అన్నా చెల్లెళ్ల మధ్య గొడవలు జరిగాయేమో? ఇవన్నీ జగన్ రెడ్డికి తెలిసినంతగా ఎవరికీ తెలియదు.వివేకానందరెడ్డి కూతురు సునీత తన తండ్రి హత్యపై న్యాయపోరాటం చేస్తు ంటే, జగన్రెడ్డి ఆమె చర్యల్ని కూడా చంద్ర బాబుకి అంటగట్టాడు. ఆఖరికి సునీతను, ఆమె భర్తను, వివేకానందరెడ్డి హత్యకేసు విచారిస్తున్న సీబీఐ అధికారుల్ని కూడా బెదిరించే స్థాయికి వెళ్లారని ఆనంద్ బాబు విమర్శించారు.
చంద్రబాబుని, జగన్రెడ్డిని ఒకే గాటన కట్టడమా?
షర్మిల కూడా గుర్రాన్ని, గాడిదను ఒకే గాటన కట్టి మాట్లాడుతోంది. అభివృద్ధి చేసి న చంద్రబాబు, అవినీతిపరుడైన జగన్రెడ్డి ఒకటే అంటే ఎలా? కేంద్రం మెడలు వంచి ప్రత్యేక హోదా తెస్తానని చెప్పింది జగన్ రెడ్డే. ఇప్పుడు తన కేసుల నుంచి బయట పడటానికి ప్రజలు గెలిపించిన ఎంపీలతో కలిసి, జగన్రెడ్డి తానే కేంద్ర పెద్దల ముం దు మెడలు వంచుతున్నాడని షర్మిలకు తెలి యదా?ప్రత్యేకహోదా కోసం టీడీపీ చేసిన పోరాటం ఏ పార్టీ చేయలేదని షర్మిల తెలు సుకోవాలి.ధర్మపోరాట దీక్ష పేరుతో చంద్ర బాబు ఢల్లీి పెద్దల్ని ఎదిరించారు. ఆఖరికి టీడీపీ ఎంపీలతో, కేబినెట్లో ఉన్న మంత్రు లతో కూడా రాజీనామాలు చేయించారు. అలాంటి ఒక్క పని ఇన్నేళ్లలో జగన్రెడ్డి చేశాడా? 12కు పైగా కేంద్రప్రభుత్వ సంస్థ లు రాష్ట్రానికి తీసుకొచ్చింది చంద్రబాబు నాయుడు. పోలవరాన్ని 72శాతం పూర్తి చేసింది టీడీపీ ప్రభుత్వమే. అమరావతి నిర్మాణానికి రూ.10 వేల కోట్లు ఖర్చుపెట్టి, శాసనసభ, హైకోర్టు, సచివాలయాల నిర్మా ణాలు చేపట్టి రోడ్లు వేయించింది చంద్ర బాబు. ఎవరితో పొత్తుఉన్నా..ఎలాంటి సం దర్భంలో కూడా రాష్ట్రప్రయోజనాల కోసం టీడీపీ, చంద్రబాబు ఎప్పుడూ రాజీపడలేద ని ప్రజలకు కూడా తెలుసు. వాస్తవాలు తెలుసుకోకుండా షర్మిల మాట్లాడితే ఆమెకే నష్టమని ఆనంద్ బాబు హితవు పలికారు.
అన్న అవినీతి, బాబాయ్ హత్య కేసుపై కూడా షర్మిల పోరాడాలి
షర్మిల రాజకీయ పోరాటం చేస్తే సరి పోదు. తన అన్న అవినీతి, బాబాయ్ హత్య కేసు దోషుల్ని కాపాడటంపైనా, రాష్ట్రాన్ని దోచేసిన వైనంపై కూడా ఆమె పోరాడాలి. షర్మిల చెప్పే మాటలకు సమాధానం చెప్ప లేని సజ్జల, టీడీపీని అంటే చూస్తూ ఊరు కునేది లేదు.దళితుల్ని అవమానిస్తున్నారు.. ఊచకోత కోస్తున్నారు. అంబేద్కర్ విగ్రహా లు పెడితే అవన్నీ ఒప్పు అవుతాయా అని షర్మిల ఈరోజు అంటున్నారు. మా పార్టీ, మేం ఆ విషయాలు ఎప్పుటినుంచో మాట్లా డుతున్నామని ఆనంద్బాబు చెప్పారు.
అప్పుడు కోడికత్తి డ్రామా, ఇప్పుడు ఫ్యామిలీ డ్రామానా?
2019 ఎన్నికలకు ముందు కోడికత్తి దాడి కేసుతో సానుభూతి డ్రామాలాడి ముఖ్యమంత్రి అయిన జగన్రెడ్డి, ఇప్పు డు కుటుంబాల మధ్య చిచ్చుపెడుతున్నా రంటూ దుష్ప్రచారం చేస్తున్నారు. తన చెల్లితో తాను మాట్లాడితే సమస్యలు పరి ష్కారమవు తాయని జగన్కు కూడా తెలుసు. ఆ పనిచేయకుండా చంద్రబాబు చేయిస్తున్నాడని అనడం జగన్రెడ్డి చౌక బారు రాజకీయాలకు నిదర్శనం. జగన్ రెడ్డి పిచ్చిపిచ్చి డ్రామాలు ప్రజలకు బాగా అర్థమయ్యాయి. ఇలాంటి వేషాలు ఎన్ని వేసినా ప్రజలు ఆయన్ని నమ్మబోరని ఆనంద్బాబు స్పష్టం చేశారు.
సీట్ల పంపకాల గురించి చంద్రబాబు,
పవన్ మాట్లాడుకుంటారు
కేంద్రం మెడలు వంచి రాష్ట్రానికి పరిశ్రమలు, ప్రత్యేకహోదా తీసుకొస్తా నని చెప్పింది జగన్రెడ్డి. దీనిపై ఆయన పోరా డాలి.ప్రతిపక్షంలో ఉన్న మేంఎలా చేస్తాం? సీట్లు.. పంపకాలు… ఇతరత్రా వ్యవహారాలన్నీ టీడీపీ అధినేత చంద్ర బాబు, జనసేన అధినేత పవన్ కల్యాణ్ మాట్లాడుకుంటారు. పేర్ని నాని వ్యాఖ్య లపై స్పందించాల్సిన అవసరం లేదు. టీడీపీ-జనసేన పొత్తు పదేళ్లకు పైగా ఉంటుంది. పవన్ కల్యాణ్ తొలినుంచీ జగన్రెడ్డిని గద్దె దించడమే ధ్యేయమం టున్నారు. పార్టీలు వేరైనా లక్ష్యం ఒక్క టే… జగన్రెడ్డిని గద్దె దించడమే. జగన్ ఉంటే రాష్ట్రానికి భవిష్యత్ లేదు.. ప్రజ లకు స్వేచ్ఛ, సుఖసంతోషాలు లేవని అన్ని పార్టీల ఏకాభిప్రాయమని ఆనంద్ బాబు స్పష్టం చేశారు.
