- కమిటీ ఏర్పాటు చేసి ముందుకు వెళతాం
- రెండురోజుల్లో భవన నిర్మాణాలకు కొత్త రూల్స్
- ఆన్లైన్లోనే అనుమతులు..త్వరలో మార్పులు
- నెలాఖరులోగా రెరా, టీడీఆర్ దరఖాస్తుల పరిషారం
- భవన, లేఅవుట్ల క్రమబద్దీకరణపై అధ్యయనం చేస్తున్నాం
- రెరాలో గ్రీవెన్స్ స్పెషల్ డ్రైవ్లో మంత్రి నారాయణ
విజయవాడ(చైతన్యరథం): రాష్ట్రంలో రియల్ ఎస్టేట్ ఊపందుకోవాలన్నదే సీఎం లక్ష్యమని, అందుకు అనుగుణంగానే నిబంధనలు సరళతరం చేస్తున్నామని మంత్రి పొంగూరు నారాయణ తెలిపారు. రెరాలో అపరిష్కృతంగా ఉన్న పెండిరగ్ దరఖాస్తుల పరిష్కారంపై సోమవారం స్పెషల్ డ్రైవ్ నిర్వహించారు. విజయవాడ పిన్నమనేని పాలిక్లినిక్ రోడ్డులోని రెరా(రియల్ ఎస్టేట్ రెగ్యులేటరీ అథారిటీ) కార్యాలయంలో జరిగిన కార్యక్ర మంలో మున్సిపల్ శాఖ కార్యదర్శి, రెరా చైర్మన్ కన్నబాబు, రెరా సభ్యులు, అధికారులు పాల్గొన్నారు. క్రెడాయ్, నరెడ్కో ప్రతినిధులతో పాటు బిల్డర్లు, డెవలపర్లు, ప్రజల నుంచి మంత్రి నారాయణ స్వయంగా వినతులు స్వీకరించారు. ప్రతి దరఖాస్తుకు సంబంధించి పూర్తిగా వివరాలు అడిగి తెలుసుకోవడంతో పాటు పెండిరగ్లో ఎందుకు పెట్టాల్సి వచ్చిందో అధికారులను వివరణ అడిగారు. ఆ తర్వాత మంత్రి నారాయణ మీడియాతో మాట్లాడారు. భవనాలు, ప్లాట్లు కొనుగోలు చేసేవారు ప్రకటనలు చూసి మోసపోకుండా చూడటమే రెరా లక్ష్యమన్నారు వెల్లడిరచారు. కేంద్ర చట్టం ప్రకారం రాష్ట్రంలో 2016లో రెరా చట్టం అమల్లోకి వచ్చింది. అప్పటినుంచి కేంద్రం ఇచ్చిన నిబంధనలు రాష్ట్రంలో తప్పకుండా అమలుచేసేలా ముందుకెళుతున్నామని వివరించా రు.
రెరాలో ఇప్పటివరకూ 167 దరఖాస్తులు వివిధ కారణాలతో పెండిరగ్లో ఉన్నా యి.. కొన్ని దరఖాస్తులు పరిష్కారం కావడం లేదని ఫిర్యాదులు వచ్చాయి.. దీంతో స్పెషల్ డ్రైవ్ నిర్వహించినట్లు చెప్పారు. రాష్ట్రం నలుమూలల నుంచి 30 మంది క్లెయింట్లు, బిల్డర్లు, డెవలపర్లు తమ సమస్యల పరిష్కారం కోసం వచ్చారు…ఆయా దరఖాస్తులకు సంబంధించి అధికారులకు పలు సూచనలు చేసినట్లు వివరించారు. పెండిరగ్ దరఖాస్తులు ఈ నెలాఖరులోగా క్లియర్ చేస్తామని తెలిపారు. ఇతర రాష్ట్రాల్లో అమలు చేసిన విధానాలను కూడా కొన్ని పరిశీలించామని, అయితే రెరా నిబంధనలు మరింత సరళతరం చేసేలా కమిటీ వేసి ముందుకెళతామని చెప్పిన ఆయన రెరా అను మతులు ఆఫ్లైన్లో కాకుండా ఆన్లైన్లో జరిగేలా త్వరలో మార్పులు చేస్తున్నామన్నారు. గత ప్రభుత్వంలో బిల్డర్లు, డెవలపర్లతో పాటు రియల్ ఎస్టేట్ వ్యాపారులు, ప్రజలు ఎంతో ఇబ్బందులు పడ్డారన్నారు. రాష్ట్రంలో రియల్ ఎస్టేట్ పెరగాలనేది సీఎం చంద్రబాబు లక్ష్యమని..అందుకు అనుగుణంగా భవన, లేఅవుట్ల అనుమతులను సరళతరం చేస్తున్నట్లు మంత్రి తెలిపారు. భవన నిర్మాణాలకు సంబంధించి కొత్తగా రూపొందించిన నిబంధనలను వచ్చే గురువారం జారీ చేస్తామ ని, బిల్డర్లు ప్రభుత్వానికి సహకరించాలని కోరారు.
నెలాఖరులోగా పెండిరగ్ టీడీఆర్ బాండ్లు
తణుకు, తిరుపతిలో టీడీఆర్ బాండ్ల జారీలో అక్రమాలు జరగడంతో వాటితో పాటు కొన్నాళ్ల పాటు అన్ని చోట్లా బాండ్ల జారీ నిలిపివేశాం. తాజాగా ఒకట్రెండు చోట్ల మినహా మిగిలిన అన్నిచోట్లా పెండిరగ్లో ఉన్న టీడీఆర్ బాండ్లను జారీ చేస్తున్నామని మంత్రి తెలిపారు. గత మూడురోజులుగా ప్రతిరోజూ అన్ని మున్సిపాలిటీల కమిషనర్లతో టీడీ ఆర్ బాండ్ల జారీపై వీడియో కాన్ఫరెన్స్ నిర్వహిస్తున్నట్లు చెప్పారు. తణుకులో టీడీఆర్ కుంభకోణంపై విచారణ పూర్తయిన తర్వాత సీఎం చంద్రబాబుతో చర్చించి నిర్ణయం తీసుకుంటామని వివరించారు. ప్రస్తుతం రాష్ట్రంలో పెండిరగ్లో ఉన్న వాటిలో 321 టీడీఆర్ల వెరిఫికేషన్ పూర్తయిందని.. మరో 501 టీడీఆర్ల వెరిఫికేషన్ జరగాల్సి ఉందన్నారు. విశాఖపట్నంలో 184, తిరుపతిలో 153, కర్నూలులో 93, గుంటూరులో 120, కాకినాడలో 91, రాజమండ్రిలో 50, కడపలో 46, విజయవాడలో 30తో పాటు ఇతర కార్పొరేషన్లలో మరికొన్ని పెండిరగ్లో ఉన్నాయన్నారు. మొత్తంగా 822 టీడీఆర్ లకు సంబంధించి నెలాఖరుకల్లా జారీ ప్రక్రియ పూర్తిచేస్తామని వివరించారు. రాష్ట్రంలో అనధికారిక లే అవుట్లు చాలావరకూ ఉన్నాయని చెప్పిన ఆయన ఎక్కడెక్కడ ఎన్నెన్ని అక్రమ లే అవుట్లు ఉన్నాయనే దానిపై ఇప్పటికే ఒక అవగాహన వచ్చిందని తెలిపారు. అలాంటి అనుమతులులేని లే అవుట్లలో ప్లాట్లు కొనడం ద్వారా కొనుగోలుదా రులు అనేక ఇబ్బందులు పడక తప్పదని స్పష్టం చేశారు. మరోవైపు భవన, లేఅవుట్ల క్రమబద్దీ కరణపై కోర్టు ఇచ్చిన ఆదేశాలపై ఎలా ముందుకెళ్లాలనే దానిపై అధ్యయనం చేస్తున్నట్లు చెప్పారు.
