అమరావతి: సమాజమే దేవాయలం ` ప్రజలే దేవుళ్లు అనే మూల సిద్ధాంతంతో తెలుగు ప్రజలకు సేవలించిందిన నాన్న ఎన్టీఆర్ ఆశయాలకు అనుగుణంగా ఏర్పాటైన ఎన్టీఆర్ ట్రస్ట్ వరద బాధితులకు పెద్దఎత్తున సేవా కార్యక్రమాలు చేపడుతున్నట్లు మేనేజింగ్ ట్రస్టీ నారా భువనేశ్వరి తెలిపారు. వరద బాధిత ప్రాంతాల్లో ఆహారం, త్రాగు నీరు, మందులు సహా ఇతర వస్తువుల్ని సరఫరా చేశారు. ఇప్పటికే ఆయా ప్రాంతాలకు వాటిని తరలించి బాధితులకు అందిస్తున్నట్లు తెలిపారు. ఎన్టీఆర్ ట్రస్ట్ సిబ్బంది సహకారంతో చేపట్టిన ఈ సహాయ కార్యక్రమాలను ఎన్టీఆర్ ట్రస్ట్ మేనేజింగ్ ట్రస్టీ భువనేశ్వరి, సీఈవో రాజేంద్రప్రసాద్ సమీక్షించారు. ఇబ్బందుల్లో ఉన్న ప్రతి ఒక్కరికీ సహాయం చేయడమే తమ ధ్యేయమన్నారు. ఏ ఒక్కరూ ఆకలితో ఉండకూడదన్నదే తమ సిద్దాంతమని పేర్కొన్నారు. గోదావరి జిల్లాలు సహా రాష్ట్ర వ్యాప్తంగా వరద ప్రభావిత ప్రాంతాల్లోని సుమారు 8 వేల కుటుంబాలకు నిత్యావసర వస్తువులు, మందులు, పిల్లలకు పాలు అందించినట్లు వివరించారు. అదే స్ఫూర్తితో మిగిలిన వారికి కూడా సహాయ సహకారాలు అందిస్తున్నట్లు తెలిపారు. ప్రకృతి వైపరీత్యాలు, ఇతర విపత్కర సమయాల్లో ప్రజలకు అండగా ఎన్టీఆర్ ట్రస్ట్ ఉంటుందని నారా భువనేశ్వరి భరోసా ఇచ్చారు.
వరద బాధితులకు ఎన్టీఆర్ ట్రస్ట్ అండ
