- పేదవాళ్ల ఆకలి తీర్చేందుకు నాడు ఎన్టీఆర్ రూ.2కే కేజీ బియ్యం ఇచ్చారు
- అన్న క్యాంటీన్లు నిలిపేసి పేదవాడి పొట్ట కొట్టిన జగన్ సర్కార్
- జగన్ సర్కార్ ఎన్ని ఇబ్బందులు పెట్టినా అన్న క్యాంటీన్లు నడిపిస్తున్న టీడీపీ కార్యకర్తలు
- కుప్పంలో అన్న క్యాంటీన్ ప్రారంభించిన భువనమ్మ
కుప్పం: అన్నపూర్ణ ఆంధ్రప్రదేశ్లో ఆకలి అనే పదం వినబడకూడదనే మహోన్నత లక్ష్యంతో టీడీపీ అధినేత చంద్రబాబునాయుడు 2018లో అన్న క్యాం టీన్లను ప్రారంభించారని ఆయన సతీమణి నారా భువనేశ్వరి అన్నారు. కుప్పం నియోజకవర్గంలో నిజం గెలవాలి పర్యటన సందర్భంగా గుడిపల్లి గ్రామంలో అన్న క్యాంటీన్ను భువనమ్మ మంగళవారం ప్రారం భించారు.ఈ సందర్భంగా భువనమ్మ మాట్లాడుతూ… కుప్పం కుటుంబ సభ్యుల ఆకలి తీర్చేందుకు అన్న క్యాంటీన్ ప్రారంభించడం చాలా సంతోషంగా ఉంద న్నారు. పేదవాడికి మూడుపూటలా అతి తక్కువ ఖర్చుతో కడుపునిండా అన్నం పెట్టాలనే ఉద్దేశంతో చంద్రబాబు నాడు అన్న క్యాంటీన్లను ప్రారంభించారు. రాష్ట్రవ్యాప్తంగా 2018లో 364 క్యాంటీన్లను ఏర్పాటు చేశారు. ఒక్క రోజులో ఈ క్యాంటీన్లలో 2.25లక్షల మంది భోజనం చేసేవారు. ఒక్క సంవత్సరంలో అన్న క్యాంటీన్లలో 7.50కోట్ల మంది తమ ఆకలిని తీర్చు కున్నారు. అన్న క్యాంటీన్ల వంటి గొప్ప కార్యక్రమాన్ని గతంలో ఏ ప్రభుత్వమూ నిర్వహించలేదు. జగన్మోహన్రెడ్డి అధికారంలోకి వచ్చాక పేదవాడి ఆకలి తీర్చే అన్న క్యాంటీన్లను కూల్చేశారు… నిలిపేశారు. తెలుగుదేశంపార్టీ నాయకులు,కార్యకర్తలు అన్న క్యాంటీ న్లను నిర్వహిస్తే వారిపై నిర్బంధాలు, దాడులకు వైసీపీ సర్కార్ దిగింది.
జగన్ సర్కార్ ఎన్ని ఇబ్బందులు పెట్టినా తెలుగు దేశం కార్యకర్తలు ఎక్కడా వెన కడుగు వేయకుండా రాష్ట్రంలో నేడు 150క్యాంటీన్లను నడుపుతున్నారు. వారందరికీ నా కృతజ్ఞతలు, అభినం దనలు. మంగళగిరి నియోజక వర్గంలో నారా లోకేష్ 4 అన్న క్యాంటీన్లను నిర్వహిస్తున్నారు. కుప్పం కుటుంబసభ్యుల ఆకలి తీర్చా లనే ఉద్దేశంతో 3 అన్న క్యాంటీన్లను ప్రారంభిస్తున్నాం. వీటితో కలిపి కుప్పం కుటుంబ సభ్యులకు మొత్తం 4 అన్నా క్యాంటీన్లు అందుబాటులో ఉంటాయని భువనేశ్వరి చెప్పారు.
మీ అభిమానాన్ని,విశ్వాసాన్ని ఎప్పటికీ మరువలేం…
కుప్పం కుటుంబ సభ్యులు చంద్రబాబుపై పెట్టు కున్న నమ్మకం, విశ్వాసం, అభిమానాన్ని మా కుటుం బం ఎప్పటికీ మరచిపోదని భువనేశ్వరి అన్నారు. ఎలాంటి పరిస్థితు లు వచ్చినా చంద్రబాబుతోనే కుప్పం నియోజకవర్గ ప్రజలు నిలుస్తున్నారు. రాష్ట్ర భవిష్యత్తు, కుప్పం ప్రజల భవిష్యత్తు బాగుండాలంటే చంద్రబాబే సరైనవ్యక్తి అనిచెబుతున్న కుప్పం ప్రజల నమ్మకానికి నా ధన్యవాదాలు. చంద్రబాబు జైల్లో ఉన్న 53రోజులు కుప్పం కుటుంబ సభ్యులు పడిన బాధ, ఆవేదన వర్ణిం చలేనిది. వైసీపీ ప్రభు త్వం ఎన్ని ఇబ్బందులు పెట్టినా చంద్రబాబు కోసం నిరాహార దీక్షలు, మౌనదీక్ష లను వెనక్కి తగ్గకుండా చేసిన ప్రతి ఒక్కరికీ నా కృతజ్ఞతలు. మా కుటుంబంపట్ల కుప్పం ప్రజల ప్రేమాభిమానాలకు భువనేశ్వరి ధన్యవాదాలు తెలిపారు.
మల్లప్పకొండ శివాలయాన్ని
దర్శించుకున్న భువనేశ్వరి
కుప్పం నియోజకవర్గంలో నిజం గెలవాలి పర్యటనలో ఉన్న నారా భువనేశ్వరి మంగళవారం కుప్పం సమీపంలోని మల్లప్పకొండ శివాలయాన్ని దర్శించుకున్నారు. భువనేశ్వరికి ఆలయ అర్చకులు మంగళవాయిద్యాల నడుమ పూర్ణకుంభంతో స్వాగతం పలికారు. ఆలయంలో భువనేశ్వరి ప్రత్యేక పూజలు నిర్వహించారు. దర్శనానంతరం ఆమెకు ఆలయ అర్చకులు స్వామివారి తీర్థప్రసాదాలు, ఆశీర్వచనాలు అందించారు. దర్శనం అనంతరం కొండపై నుండి కుప్పం పరిసర ప్రాంతాలను పరిశీలించిన భువనేశ్వరి ఆ పరిసరాల ప్రకృతి సౌందర్యానికి ముగ్ధులయ్యారు.
