- డిప్యూటీ తహసీల్దారు నిర్వాకం
- నకిలీ డాక్యుమెంట్లతో వ్యవహారం
- ప్రజావినతుల్లో వినతిపత్రం ఫిర్యాదు
- ఆట స్థలం విడిపించాలని వినతి
- అర్జీలు స్వీకరించిన మంత్రి కొండపల్లి
మంగళగిరి(చైతన్యరథం): 50 సంవత్సరాలుగా యువతకు ఆట స్థలంగా ఉన్న భూమిని అధికారులే అక్ర మంగా నకిలీ డాక్యుమెంట్లతో కబ్జాదారులకు కట్టబెట్టారని కడప జిల్లా సిద్దవటానికి చెందిన పవన్కుమార్ ప్రజావినతుల కార్యక్రమంలో ఫిర్యాదు చేశారు. ఈ అక్రమానికి పాల్పడిన అధికారి ప్రస్తుతం డిప్యూటీ తహసీల్దారుగా ఉన్నార ని.. ఉన్నతాధికారులు విచారించి చర్యలు తీసుకుని భూమిని కబ్జా నుంచి విడిపించాలని కోరాడు. టీడీపీ కేంద్ర కార్యాలయంలో గురువారం ప్రజా వినతుల స్వీకరణ కార్యక్ర మంలో అర్జీదారుల నుంచి మంత్రి కొండపల్లి శ్రీనివాస్, ఏపీసీవోజీఎఫ్ చైర్మన్ గండి బాబ్జిలు అర్జీలు స్వీకరించారు. అనంతరం టీడీపీ ఎన్నారై వింగ్ రాజశేఖర్ ఆధ్వర్యంలో పలువురి పేదలకు ఆర్థిక సాయాన్ని నేతలు వారి చేతులమీదుగా అందజేశారు.
` అనంతపురం జిల్లా యల్లనూరు మండలంలోని 85 నిట్టూర్ చెరువుకు గండికోట నుంచి చేపట్టిన ఎత్తిపోతల పథకం పనులు 50 శాతం జరిగి ఆగిపోయాయని..మిగిలిన పనులు త్వరగా పూర్తి చేసి సాగునీరు అందించేలా చూడాలని జిల్లా తెలుగు రైతు ఉపాధ్యక్షుడు చల్లా చంద్రశేఖర్నాయుడు అర్జీ ఇచ్చారు.
` దివ్యాంగుడినైన తనకు ఉండటానికి ఇల్లు లేదని.. దయ చేసి తనకు ఇల్లు కట్టుకోవడానికి ప్రభుత్వం సాయం చేయాలని పల్నాడు జిల్లా సత్తెనపల్లి మండలం నంది గం గ్రామానికి చెందిన బొల్లేపల్లి శివప్రసాద్ విజ్ఞప్తి చేశాడు.
` తాను మున్సిపాలిటీకి డబ్బులు కట్టి మున్సిపల్ స్థలంలో చెరకు రసం మిషన్, టిఫిన్ బండి పెట్టుకుని అమ్ముకుంటుంటే పక్కన గంపలు అమ్ముకునే వారు తమపై దాడికి వచ్చారని గుంటూరు జిల్లా తెనాలికి చెందిన పొన్నూరు మల్లిక ఆవేదన వ్యక్తం చేశారు. తాను ఒంటరి మహిళలనని అధికారులు స్పందించి తమపై దాడికి వచ్చిన వారి మీద చర్యలు తీసుకుని తమ వ్యాపారానికి ఇబ్బంది లేకుండా చూడాలని కోరారు.
` తమ భూమిని వెబ్ ల్యాండ్లో పెట్టి అధికారులు మళ్లీ రిజెక్ట్ చేశారని కర్నూలు జిల్లా కౌతాళం మండలం కంబిలనూరు గ్రామానికి చెందిన ఉప్పులపాటి వెంకటేశ్వర్లు తెలిపారు. తమ వద్ద అన్ని ఆధారాలు ఉన్నా ఆన్లైన్ చేయకుండా ఇబ్బంది పెడుతు న్నారని ఫిర్యాదు చేశారు. తమ భూ సమస్యను పరిష్కరించాలని కోరారు.
` తమ స్వాధీనంలో ఉన్న భూమిని ఆన్లైన్ చేసి పాస్బుక్ ఇవ్వమంటే అధికారులు తిప్పించుకుంటున్నారని ఎన్టీఆర్ జిల్లా జి.కొండూరు మండలం కవులూరు గ్రామానికి చెందిన చెరుకూరి భూపెందర్రావు ఫిర్యాదు చేశాడు. ఎన్నిసార్లు ఆఫీసు చుట్టూ తిరిగినా పనిచేయడం లేదని.. భూ సమస్యను పరిష్కరించాలని కోరాడు.
` ఎన్నిసార్లు అర్జీలు పెట్టుకున్నా తన పొలానికి కరెంట్ సరఫరా ఇవ్వకపోవడంతో తన ఐదెకరాల దానిమ్మ తోట నీరులేక నిలువునా ఎండిపోతుందని అనంతపురం జిల్లా నార్పల మండలానికి చెందిన కె.శ్రీనివాసులనాయుడు ఆవేదన వ్యక్తం చేశాడు. దయ చేసి అధికారులు స్పందించి వెంటనే కరెంట్ ఇస్తే తన పంట నిలబడుతుందని.. లేదంటే తీవ్రంగా నష్టపోవాల్సి వస్తుందని వాపోయాడు.
` పోలవరం ఎడమ కాలువ కోసం తమ భూమిని తీసుకుని తమకు పరిహారం ఇవ్వలేదని అల్లూరి సీతారామరాజు జిల్లా దేవిపట్నం మండలం చిన్నరమణయ్యపేటకు చెందిన పలువురు బాధితులు తెలిపారు. పరిహారం వచ్చేలా చూడాలని మడకం చంద్రరావు దొర, తదితరులు విజ్ఞప్తి చేశారు.
` వివిధ సమస్యలతో ఆర్థిక సాయం కోసం గతంలో అర్జీలు పెట్టుకున్న అభ్యర్థులకు టీడీపీ ఎన్నారై వింగ్ రాజశేఖర్ ఆధ్వర్యంలో ఎన్నారైలు అందించిన సాయాన్ని నేతలు మంత్రి కొండపల్లి శ్రీనివాస్, ఎమ్మెల్సీ అశోక్బాబు చేతులమీదుగా దాదాపు 11 మంది పేదలకు పంపిణీ చేశారు. ఈ సందర్భంగా నగదును స్వీకరించిన వారు టీడీపీ పార్టీ చేసిన మేలును మరిచిపోలేమని నేతలకు కృతజ్ఞతలు తెలిపారు.
