కెమెరా ముందు నటించే నటీ నటులను.. సినీ రంగంలో చాలా మందిని చూస్తూ ఉంటాం. కానీ రియల్ లైఫ్లో కూడా నటనలో జీవించే వాళ్ళను అతికొద్ది మందే ఉంటారు. అటువంటి వారిలో ఆస్కార్ విన్నింగ్ ఫర్మార్మెన్స్ చూపిస్తున్నారు.. చిలకలూరి పేట ఎమ్మెల్యే మరియు రాష్ట్ర మంత్రి అయిన విడదల రజని. మహానటి సావిత్రిని మించిపోయేలా.. చిలకలూరి పేట సభలో ఆమె చూపించిన ఫెర్మార్మెన్స్.. ఇప్పుడు తెలుగు రాష్ట్రాల్లో హాట్ టాపిక్ గా మారింది. యంగ్ ఏజ్లోనే జగన్ కేబినెట్ లో బెర్తు కొట్టేయటం వెనుక సీక్రెట్ ఏంటో ఇప్పుడు తెలిసిందంటూ గుసగుస లాడుకుంటున్నారు. ఆనాడు చంద్రబాబు నాయుడి ముందు ఫెర్మార్మెన్స్ చూపిన రజినీ.. అంతకు మించిన స్థాయిలో చూపించిన టాలెంట్ పై ఆసక్తిగా చర్చించుకుంటున్నారు.
తెలుగు దేశం పార్టీ ద్వారా రాజకీయ అరంగేట్రం చేసిన విడదల రజిని.. తక్కువ సమయంలోనే పార్టీ అధినేత చంద్రబాబునాయుడు దృష్టిని ఆకర్షించారు. టీడీపీలో ఉన్న సమయంలో మహానాడులో ప్రసంగించి చంద్రబాబు చేత మెప్పు పొందారు. ఆ సందర్భంగా ఆమె మాట్లాడుతూ….సైబరాబాద్ లో మీరు నాటిన మొక్కనని.. హైటెక్ సిటీలో ఉద్యోగం చేసి, అక్కడి నుంచి అమెరికా వెళ్లి సైబర్ టవర్ లా ఎదిగి ఈ స్థాయికి వచ్చానని భావోద్వేగానికి గురయ్యారు. ఈమె ప్రసంగానికి ఫిదా అయిన చంద్రబాబు.. గట్టిగా చప్పట్లు కొట్టి అందరూ అభినందించాలని స్వయంగా చెప్పారు. సీన్ కట్ చేస్తే, తాజాగా చిలుకలూరిపేటలో కూడా రజిని చూపిన ఫెర్మార్మెన్స్ అదిరిపోయింది. కాకపోతే, ఈ సారి పార్టీ, డయాస్ మీద కేరక్టర్స్ కూడా మారటంతో.. జస్ట్ స్క్రిప్ట్ చేంజ్ చేసింది. తన నియోజకవర్గంలో జరిగిన బహిరంగసభలో మహానటి సావిత్రి రేంజ్ లో రజిని యాక్టింగ్ చేశారు. అన్నా జగనన్నా.. నా రాజకీయ జీవితం, ఎమ్మెల్యే, మంత్రి పదవి మీరు పెట్టిన బీక్షేనంటూ కంటి నుంచి చుక్క నీరు రాకుండా బోరుమన్నారు. మహానటులకే సాధ్యం కాని.. అద్భుత నటనను అలవోకగా ప్రదర్శించేశారు.
అంతేనా, టీడీపీలో ఉన్నప్పుడు నాడు బహిరంగసభపై చంద్రబాబు గారు, అభిమానంతో మీకు ఓ మాట చెబుతాను. నా మొహం చూడండి సార్ అంటూ చెప్పిన మాటలు కూడా ఇంకా ఎవరూ మర్చిపోలేదు. అమెరికా నుంచి వచ్చాను. వెయ్యికోట్లకు పైగా బిజినెస్ రన్ చేస్తున్నాను. 200మందికి ఎంప్లాయిస్ ఉన్నారంటూ చెప్పుకొచ్చింది. ఇప్పుడేమో జగన్ ఉన్న వేదికపై నుంచి, చిలుకలూరి పేట ప్రజలనుద్దేశించి బీద అరుపులు అరిచింది. సాధారణ బీసీ మహిళ అయిన తనకు చిలుకలూరి పేట ఎమ్మెల్యేగా అవకాశం ఇచ్చి, మంత్రిని చేశారంటూ సూపర్ యాక్టింగ్ చేశారు. జగనన్నా.. మీ రుణం ఎప్పటికీ తీర్చుకోలేనంటూ సెంటిమెంట్ తో కొట్టారు. టీడీపీలో ఉన్నప్పుడు జగన్ ను రాక్షసుడితో పోల్చిన విడదల రజినీకి, ఇప్పుడు ఆయన దేవుడులా కనిపిస్తున్నాడట. రజినీ నటనకు ఆస్కార్ ఇవ్వాల్సిందేనంటూ నెటిజన్లు సెటైర్లు పేలుస్తున్నారు. మహానటి బిరుదుతో సోషల్ మీడియాలో సత్కరిస్తున్నారు. . టీడీపీతో పాటు, వైసీపీలోని ఓ వర్గం విడదల రజినిని సోషల్ మీడియాలో తెగ ట్రోల్ చేస్తున్నారు.
మొత్తంగా, రజినీ మేకప్ చెడిపోకుండా చేసిన ఎమోషనల్ టచ్ యాక్టింగ్ వీడియోలు ఇటు మీడియాలో.. అటు సోషల్ మీడియాలో తెగ వైరల్ అవుతున్నాయి. దీనిపై ఓ రేంజ్లో ట్రోల్స్, మీమ్స్ వస్తున్నాయి. రానున్న ఎన్నికల సందర్భంగా టికెట్ కోసం తనదైన నటన మొదలుపెట్టిందని కామెంట్లతో హోరెత్తిస్తున్నారు. నాడు టీడీపీ సభలో.. నేడు వైసీపీ సభలో మాట్లాడిన వీడియోలను మిక్స్ చేసి…. ఆస్కార్ కూడా తక్కువేనంటూ వ్యంగ్యాస్త్రాలు సంధిస్తున్నారు. అటు సొంత పార్టీ కార్యకర్తలు కూడా రజినీ కొంచెం తగ్గించ్చుకుంటే మంచిదని సూచిస్తున్నారు. మొత్తం మీద.. చిలకలూరి పేటలో విడదల రజని యాక్టింగ్ ఆస్కార్ రేంజ్ను మించిపోయిందనటంలో.. తెలుగు రాష్ట్రాల ప్రజలు ఏకాభిప్రాయానికే వస్తున్నారు.
