- విద్యారంగంలో విప్లవాత్మక సంస్కరణలకు శ్రీకారం
- ఐటీ, ఎలక్ట్రానిక్స్‌ రంగాల్లోనూ సరికొత్త పాలసీలు
- ఉద్యోగాల పంటకు 100రోజుల యాక్షన్‌ ప్లాన్‌
- మంత్రి బాధ్యతల స్వీకరణకు ముందే ప్రణాళికలు
అమరావతి (చైతన్య రథం): చేయాలనుకున్న పని పూర్తయ్యేవరకు పట్టువదలని విక్రమార్కుడిలా వెంటాడే తత్వాన్ని తాత ఎన్టీఆర్‌, తండ్రి చంద్రబాబు నుంచి పుణికిపుచ్చుకున్న యువనేత లోకేష్‌… రాష్ట్ర మానవవనరులు, ఐటీి, ఎలక్ట్రానిక్స్‌ మంత్రిగా బాధ్యతల స్వీకారానికి ముందే యాక్షన్‌ ప్లాన్‌ ప్రారంభించారు. ఎన్నికల్లో అప్రతిహత విజయంతో తనపై ఎన్నో ఆశలు పెట్టుకున్న రాష్ట్రప్రజల కోసం తొలిరోజు నుంచే పని మొదలెట్టారు. ప్రజాదర్బార్‌తో ఓవైపు నిత్యం వందలాది ప్రజలు, కార్యకర్తలు, నాయకులను కలిసి వారి కష్టాల్లో పాలుపంచుకుంటూనే… హెచ్‌ఆర్‌డి మంత్రిగా విద్యావ్యవస్థలో సమూల మార్పులకు ఉన్నతస్థాయి అధికారులతో సమీక్షలు నిర్వహించారు. త్వరలోనే ఉపాధ్యాయ, విద్యార్థి సంఘాలు, తల్లిదండ్రులతో సమావేశమై.. వారి ఆశలు, ఆకాంక్షల మేరకు దీర్ఘకాలంగా విద్యావ్యవస్థలో వేళ్లూనుకున్న సమస్యలకు పరిష్కారం చూపాలని సంకల్పించారు. ఇందుకోసం వినూత్నమైన ఆలోచనతో ప్రత్యేకమైన కార్యాచరణ ప్రణాళిక సైతం సిద్ధం చేశారు. పేదబిడ్డలకు నాణ్యమైన మధ్యాహ్న భోజనం అందించడం, విలువలతో కూడిన విద్యనందించడం తప్ప మరే ఇతర పనులకూ ఉపాధ్యాయులకు ఉపయోగించరాదన్నది ఆయన అంతరంగం. పాఠశాలల్లో పూర్తిస్థాయి మౌలికవసతుల కల్పన, ఏళ్లతరబడి ఉన్నత విద్యాశాఖలో పెండిరగ్‌లో ఉన్న సమస్యలను పరిష్కరించడం, కోర్టుల్లో ఉన్న చిక్కుముడులను తొలగించి ఫ్యాకల్టీ రిక్రూట్‌మెంట్‌ చేయడం, చిన్నారులకు దేశంలోనే నాణ్యమైన స్కూల్‌ కిట్స్‌ అందించి, వారిని భావిభారత పౌరులుగా తీర్చిదిద్దాలనేది యువనేత లోకేష్‌ ప్రధాన లక్ష్యాలు. వీటితోపాటు ఐదేళ్ల జగన్‌ పాలనలో ఉనికి కోల్పోయిన ఐటి, ఎలక్ట్రానిక్స్‌ శాఖలకు మళ్లీ గతవైభవం తెచ్చి, ఉద్యోగాల పంట పండిరచాలని 100 రోజుల యాక్షన్‌ ప్లాన్‌ రూపొందించారు. ఐదేళ్లపాటు నిద్రావస్థలో ఉన్న యంత్రాంగాన్ని యాక్టివేట్‌ చేసి తనదైన ముద్ర వేసేందుకు మంత్రి లోకేష్‌ సిద్ధమయ్యారు.
లోకేష్‌ పటుపట్టాడంటే ఉడుంపట్టే
ఎంత కష్టమైనా అనుకున్నది సాధించేవరకు వరకు నిద్రపోని మనస్థత్వం నారా లోకేష్‌ సొంతం. ఈ అరుదైన లక్షణంతోనే కోట్లాది యువతలో స్టార్‌ ఇమేజ్‌ సంపాదించుకున్నారు. 2017-19 నడుమ కేవలం రెండేళ్లు మాత్రమే రాష్ట్ర గ్రామీణాభివృద్ధి, ఐటి, ఎలక్ట్రానిక్స్‌ మంత్రిగా లోకేష్‌ పనిచేసినప్పటికీ… ఆయా శాఖల్లో గతంలో ఎవరూ సాధించనంత అభివృద్ధి చేశారు. దేశంలో మరెక్కడా లేనివిధంగా రెండున్నరేళ్లలో 25వేల కి.మీ.ల సిసి రోడ్ల నిర్మాణం చేపట్టి రికార్డు సృష్టించారు. గ్రామీణాభివృద్ధి మంత్రిగా యువనేత లోకేష్‌ తెచ్చిన విప్లవాత్మక సంస్కరణలకుగాను 2018లో ఆయనకు స్కోచ్‌ పర్సన్‌ ఆఫ్‌ ది ఇయర్‌ అవార్డు లభించింది. పరిపాలనలో ఉత్తమ సాంకేతిక పరిజ్ఞానాన్ని ఉపయోగించినందుకుగాను డిజిటల్‌ లీడర్‌ ఆఫ్‌ ద ఇయర్‌ అవార్డు సాధించారు. గ్రామీణ పాలనలో సాంకేతికతను విజయవంతంగా ఏకీకృతం చేయడంలో లోకేష్‌ చేసిన కృషిని గుర్తించి పంచాయత్‌ రాజ్‌ రూరల్‌ డెవలప్‌మెంట్‌ విభాగంలో ఆంధ్రప్రదేశ్‌కు కేంద్ర ప్రభుత్వం ఇన్నోవేషన్‌ అవార్డును అందజేసింది.
కలాం ఇన్నోవేషన్‌ ఇన్‌ గవర్నెన్స్‌ అవార్డు కూడా లభించింది. 2018 సెప్టెంబర్‌లో చైనాలోని టియాంజిన్‌లో జరిగిన వరల్డ్‌ ఎకనామిక్‌ ఫోరమ్‌ (డబ్ల్యుఈఎఫ్‌), ఎంటర్‌ప్రెన్యూర్‌షిప్‌ సమ్మిట్‌ వార్షిక సమావేశానికి భారతదేశం తరపున ప్రాతినిధ్యం వహించడానికి లోకేష్‌ ఆహ్వానం లభించింది. ఆ తర్వాత డబ్ల్యుఈఎఫ్‌ నెట్‌వర్క్‌ ఆఫ్‌ గ్లోబల్‌ ఫ్యూచర్‌ కౌన్సిల్స్‌ (ఎన్జీఎఫ్‌సి)కి నామినేట్‌ చేయబడిన ఏకైక భారతీయ రాజకీయ నాయకుడు లోకేష్‌. నవీనమైన, వేగవంతమైన ఆలోచనలతో రెండేళ్లలోనే హెచ్‌సిఎల్‌, కాడ్యుయెంట్‌, పై కేర్‌, జోహో, టిసిఎల్‌, ఫ్యాక్స్‌ కాన్‌, సెల్‌కాన్‌ వంటి ఎన్నో ఐటి, ఎలక్ట్రానిక్స్‌ పరిశ్రమలను రాష్ట్రానికి రప్పించి ఆ రంగాల్లో వేలాదిమంది యువతకు ఉద్యోగావకాశాలు కల్పించారు. తాజాగా రాష్ట్ర మానవవనరులు, ఐటి, ఎలక్ట్రానిక్స్‌ మంత్రిగా బాధ్యతలు చేపట్టిన లోకేష్‌ సారధ్యంలో ఆయారంగాల్లో అనూహ్యమైన మార్పులు చోటు చేసుకునే అవకాశముంది.
లోకేష్‌కు పట్టుదలెక్కువ. అదే `ఆయనకు వారసత్వ సంపద. లోకేష్‌ను పడిలేచిన కెరటాన్ని చేసిందీ అదే. ఎక్కడ మాటలు పడ్డాడో అక్కడే నోళ్లు మూయించారు. ఎక్కడ ఓడాడో.. అక్కడే గెలిచి చూపించారు. ఐటీ మంత్రిగా డెవలప్‌మెంట్‌ గేమ్‌ ఎక్కడ ఆపారో.. ఇప్పుడు అక్కడ్నుంచే మొదలెడుతున్నారు. రాష్ట్రాభివృద్ధికి మూలమైన మానవ వనరులను తీర్చిదిద్దే బాధ్యతలు కూడా అందుకున్న లోకేష్‌ `ఎన్నికల అలసటను పక్కనెట్టి కొత్త పరుగు మొదలెడుతున్నారు. ముఖ్యమంత్రి తనకు అప్పగించిన బాధ్యతల్లో డిస్టింక్షన్‌ సాధించాలన్న కసి పరుగది. విద్యారంగంలో విప్లవాత్మక సంస్కరణలు తీసుకొచ్చి.. ఐటీ, ఎలక్ట్రానిక్స్‌ రంగాలకు కొత్త పాలసీని రూపొందించి.. ‘అన్నా’ అని పిలుచుకుంటున్న యువతకోసం అనితరసాధ్యమైనదేదైనా చేసి చూపించాలన్న సంకల్పంతో ఉన్నారు. మాట తప్పను, మడమ తిప్పనని చెప్పుకునే రకం కాదు లోకేష్‌, చేసి చూపించే యువతరం. జగన్‌ ఎలుబడిలో దారి తప్పిన యువతకు కెరీర్‌ బాట చూపించే గాడిన పెట్టేందుకు ‘మిషన్ లోకేష్‌’ మొదలైంది. అందుకు `వంద రోజుల యాక్షన్‌ ప్లాన్‌ సిద్ధమైంది!!
