మేనిఫెస్టో పేరుతో మరో మోసానికి సిద్ధమైన జగన్‌

• అవి సిద్ధం సభలు కాదు, అబద్ధాల సభలు
• గత మేనిఫెస్టో హామీలే అమలు చేయలేదు
• జగన్‌ పాలనలో వంచనకు గురైన రాష్ట్రం
• ధ్వజమెత్తిన మాజీమంత్రి ఆలపాటి

అమరావతి (చైతన్యరథం): జగన్‌ నాయకత్వంలో రాష్ట్రం వంచనకు గురైందని మాజీ మంత్రి ఆలపాటి రాజేంద్రప్రసాద్‌ అన్నారు. శనివారం మంగళగిరిలోని తెలుగు దేశం పార్టీ జాతీయ కార్యాలయంలో జరిగిన విలేఖరుల సమావేశంలో ఆలపాటి మాట్లా డుతూ మేదరమెట్ల ‘సిద్ధం’ సభలో మేనిఫెస్టో పేరుతో ప్రజలను మరోసారి మోసం చేయ డానికి జగన్‌ సిద్ధమయ్యారని విమర్శించారు. కొత్త మేనిఫెస్టో విడుదల చేసేముందు పాత మేనిఫెస్టోను ఎంతవరకు అమలు చేశారో జగన్‌ తెలపాలి. 17శాతం కన్నా ఎక్కువ హామీలు అమలు చేసివుంటే మేదరమెట్ల ‘సిద్ధం’ సభలో రుజువు చేయాలి. ఎన్నికలకు ముందు మేనిఫెస్టో అంటే బైబిల్‌, ఖురాన్‌, భగవద్గీతకంటే గొప్పదని జగన్‌ అన్నారు. అధికారం వచ్చాక మేనిఫెస్టోలో 17శాతం కంటే ఎక్కువ అమలుపరచలేదు. ఈ విషయ మై జగన్‌ సహా వైసీపీ నాయకులు నోరు విప్పాలి.

కొత్త మేనిఫెస్టోతో ప్రజల్ని మాయ చేయడానికి వస్తున్న జగన్‌ను ప్రజలు నమ్మ రు. ‘ఒక్క ఛాన్స్‌’ అని అధికారంలోకి వచ్చిన జగన్‌ అన్నివర్గాలనూ నట్టేట ముంచాడు. జగన్‌ ప్రభుత్వం రైతాంగం నడ్డివిరిచింది. కార్పొరేషన్‌లను, మద్యం ఆదాయాన్ని తాక ట్టుపెట్టి 8లక్షల కోట్లు అప్పెందుకు చేశారు? జగన్‌ పాలనలో ఏ వర్గం జీవన ప్రమాణాలు మెరుగయ్యాయో తెలపాలి. సామాజిక న్యాయం చేసి ఉంటే దళిత డాక్టర్‌ సుధాకర్‌, బీసీ నాయకుడు చంద్రయ్యలు చనిపోయే వారేకాదు. ఉద్యోగ సంఘాలకు న్యాయం చేయకపోగా..వారిని మద్యం దుకాణాల వద్ద కాపలా ఉంచారు. జగన్‌కు విశ్వసనీయత లేదనడానికి అనేక నిదర్శనాలున్నాయని ఆలపాటి ధ్వజమెత్తారు.

సుబ్బారెడ్డి మాటల్లో అర్థమేంటి?
మూడు ముక్కలాట తరువాత నాలుగవ రాజధాని హైదరాబాద్‌ అని జగన్‌ బాబాయ్‌ వైవీ సుబ్బారెడ్డి చెప్పిన మాటలు ఎవరిని మోసం చేయడానికో తెలపాలి. ప్రజల జీవ నాడి అయిన పోలవరం ప్రాజెక్టు పనులు సకాలంలో చేపట్టకుండా డయాఫ్రం వాల్‌ ను నాశనం చేశారు. రివర్స్‌ టెండర్‌ ద్వారా ఏం సాధించారు? జగన్‌ ఒట్టి అబద్దాలపుట్ట. ప్రాజెక్టులు లేవు, జాబ్‌ క్యాలెండర్‌ లేదు, ప్రతి జనవరికి ఒక మెగా డీఎస్సీ వేస్తానన్నా వు.. ఏదీ? నిరుద్యోగ యువతీ యువతకు ఉద్యోగ అవకాశాలు కల్పించావా? సీపీఎస్‌ రద్దు చేస్తానని మాట ఇచ్చారు. మాట నిల బెట్టుకోలేక పోయారు.అధికారంలోకి రాగానే సీపీఎస్‌పై అవగాహన లేక హామీ ఇచ్చామని మాట మార్చారని ఆలపాటి అన్నారు.

బీసీలకు ద్రోహం
జగన్‌ పాలనలో బీసీలు పూర్తిగా వంచన కు గురయ్యారు. ఎన్నికలకు ముందు బీసీల అభివృద్ధికి కృషిచేస్తాను,వారి జీవినవిధానం మారుస్తానని జగన్‌హామీ ఇచ్చాడు. బీసీలకు మూడు వంతుల బడ్జెట్‌ కేటాయిస్తానన్నావు. కేటాయించావా?150కార్పొరేషన్‌లను ఏర్పా టు చేస్తానన్నావు,ఏర్పాటు చేసిన కార్పొరేషన్‌ కార్యాలయాల్లో కుర్చీలు కొనుక్కోవడానికి కూడా నిధులివ్వలేదు. రాజ్యంగ బద్ధంగా బీసీలకు కేటా యించిన నిధులను పక్కదారి పట్టించారని ఆలపాటి విమర్శించారు.

ఉద్యోగులకు తీవ్రఅన్యాయం
చంద్రబాబు హయాంలో 16 వేల కోట్లు లోటు బడ్జెట్‌ ఉన్నా ఉద్యోగులకు 43శాతం ఫిట్‌మెట్‌ ఇచ్చాం.ఈరాష్ట్రాన్ని అభివృద్ధి చేసే క్రతువులో ప్రభుత్వ ఉద్యోగులను చంద్ర బాబు భాగస్వాములను చేశారు. జగన్‌ పాల నలో ఉద్యోగులకు తీవ్ర అన్యాయం జరిగిం ది. విద్యా విధానాన్ని సర్వనాశనం చేశారు. నాడు-నేడు పేరుతో మొత్తం అవి నీతిమ యం చేశారు. ఉపాధ్యాయులకూ న్యాయం చేయలేదు.ఉద్యోగులను దారుణంగా మోసం చేశారని ఆలపాటి దుయ్యబట్టారు.

పేదల సెంటు స్థలంలో అవినీతి
పేదలకు సెంటు స్థలం ఇస్తానని చెప్పి 44 గజాలు మాత్రమే ఇచ్చి మోసం చేశారు. 30లక్షల మందికి ఇళ్ళ పట్టాలు ఇచ్చానన్నా రు. అందులో అంతా అవినీతే. జగన్‌ ఇచ్చిన స్థలాల్లో ఇళ్ల నిర్మాణాల కోసం అప్పులు తీసుకుని పేదలు అప్పులపాలయ్యారు. 5 నుండి 10రూపాయల వడ్డీతోఅప్పులు తెచ్చు కొని ఇళ్లు కట్టుకోవడానికి ప్రయత్నించి, కట్టుకోలేక సర్వం నష్టపోయారు. ఎన్నిళ్లు పూర్తయ్యాయో చెప్పాలి. సంవత్సరానికి 5 లక్షల ఇళ్లన్నావు. 5వేల ఇళ్లన్నా పూర్తయ్యా యా.చంద్రబాబుహయాంలో షేర్‌వాల్‌ టెక్నా లజీ కింద, అత్యాధునిక సాంకేతిక పరి జ్ఞానంతో పేదల కోసం టిడ్కో ఇళ్లను కట్టిస్తే, వాటిని పేదలకు అందకుండా చేశారని ఆలపాటి విమర్శించారు.

తల్లి, చెల్లికి అన్యాయం చేశారు
తల్లి,చెల్లికి అన్యాయం చేశారు. బాబాయి హత్య కేసులో అవినాష్‌రెడ్డిని కాపాడుకున్న రోజు నుంచే జగన్‌ పతనం ప్రారంభమైంది. బాబాయి కూతురు సునీతారెడ్డి వేసిన ప్రశ్నల కు సమాధానం చెప్పగలవా జగన్‌రెడ్డి! సమా ధానం చెప్పలేనప్పుడు రాష్ట్రాన్ని పరిపాలించే హక్కులేదు. తప్పుకుంటే సంతోషం, లేకుంటే తల్లి, చెల్లెళ్లకు న్యాయం చేయలేని సీఎంగా, చరిత్ర హీనుడిగా నిలిచిపోతావని జగన్‌ మోహన్‌రెడ్డిపై ఆలపాటి ధ్వజమెత్తారు.