- ఆడబిడ్డ చావుపైనా శవ రాజకీయాలు చేస్తున్న జగన్ రెడ్డిని ఏమనాలి?
- రాజకీయ లబ్ధికోసం ఇంత నీచానికి దిగజారతారా
- జగన్రెడ్డికి ప్రజలే బుద్ధి చెబుతారు
- తెలుగుమహిళ అధ్యక్షురాలు అనిత మండిపాటు
అమరావతి (చైతన్యరథం): జగన్మోహన్రెడ్డి తన రాజకీయ లబ్ధి కోసం ఎంతకైనా దిగజారతాడని, ఆడపిల్ల చావును కూడా శవ రాజకీయాలకు వాడుకుంటాడని చెప్పడానికి తెనాలికి చెందిన గీతాంజలి మృతిపై చేస్తున్న శవ రాజకీయమే నిదర్శనమని తెలుగుమహిళ అధ్యక్షురాలు వంగలపూడి అనిత విమర్శించారు. వైసీపీ సోషల్ మీడియా కార్యకర్త గీతాంజలిని ఆ పార్టీనే హత్య చేసిందన్నారు. అనుమానాస్పదంగా చనిపోయిందని ఒకసారి, హత్య అని ఒకసారి, ఆత్మహత్య అని ఒకసారి ఇలా రకరకాలుగా వైసీపీ నేతలు మాట్లాడుతున్నారన్నారు. యూట్యూబ్లో చిన్న చిన్న వీడియోలు చేసుకునే గీతాంజలి బాగా మాట్లాడుతుందని గుర్తించిన వైసీపీ నేతలు ఆమెతో కొన్ని వీడియోలు చేయించి డబ్బు ఇచ్చేవారు. ప్రతిరోజూ తెనాలి నుంచి విజయవాడకు జన్మభూమి ఎక్స్ప్రెస్ లో వస్తూండేది.
రోజువారీ ఖర్చుల కింద గీతాంజలికి వైసీపీ అకౌంట్ నుంచి డబ్బులు వెళ్లేవి. 7వ తేదీన గీతాంజలి రైలు ప్రమాదానికి గురైంది. ఆ సమయంలో ఆమెతో పాటు తెనాలి రైల్వేస్టేషన్ లోనే ఉన్న ఆ ఇద్దరి పేర్లు ఎందుకు బయట పెట్టడం లేదు? సీసీ ఫుటేజ్ ఎక్కడ? చనిపోయాక కూడా ఆమెను గుర్తు తెలియని శవంగా రెండు రోజులు ఆస్పత్రిలో ఎందుకు అట్టిపెట్టారు? టీడీపీ సోషల్ మీడియా ప్రచారం వల్లే గీతాంజలి చనిపోయిందని ఆమె భర్తతో వైసీపీ వాళ్లు ఫిర్యాదు ఇప్పించారు. ఈ నెల 7న రైలు కిందపడి గీతాంజలి తీవ్రంగా గాయపడితే, టీడీపీ ట్రోల్స్ వల్లే చనిపోయిందని 11వ తేదీన ఆమె భర్తతో ఫిర్యాదు ఇప్పించారు. నారా లోకేష్ అకౌంట్ నుంచి ట్వీట్ పెట్టినట్టు ఒక ఫేక్ ట్వీట్ పెట్టి, ఆడపిల్ల చావును కూడా వైసీపీ నీచ రాజకీయాలకు వాడుకునే ప్రయత్నం చేశారు. మీ కోసం పనిచేసిన ఆడపిల్ల చనిపోతే గుర్తించని శవంగా రోజుల తరబడి ఉంచేస్తారా? కుటుంబసభ్యులకు అప్పగించరా? నీచ వైసీపీని బంగాళాఖాతంలో కలపాలి.
అసలు ఆడబిడ్డల చేత తప్పుడు వీడియోలు చేయించడమేంటి? గీతాంజలికి 8 ఏళ్ల కుమారుడు ఉంటే ఐదేళ్లుగా అమ్మఒడి ఎలా వస్తోంది? మీ అరాచకాలపై ప్రశ్నిస్తే దుష్ప్రచారం చేస్తున్నారు. గీతాంజలి చావు విషయంలో రాజకీయ లబ్ధికి పాకులాడటం దుర్మార్గం. శవాలతో రాజకీయాలు చేయడం జగన్ రెడ్డికి బాగా అలవాటు. బాబాయ్ హత్య, కోడికత్త అంశాల్లోనూ ఇదే విధంగా చేశారు. వైసీపీ సోషల్ మీడియాలో మహిళలపై నీచపు ట్రోల్స్ చేస్తున్నారు. ఇప్పుడు గీతాంజలిని బలి తీసుకుని ప్రచారానికి వాడుకుంటున్నారు. ఆడబిడ్డ చావునూ వదలని జగన్ రెడ్డిని ఏమనాలో అర్ధం కావడం లేదు. జగన్ రెడ్డికి అతి త్వరలో ప్రజలే బుద్ధి చెప్తారని అనిత హెచ్చరించారు.
