- 10 భారీ పరిశ్రమలు..33,966 ఉద్యోగాలు
- భూ సేకరణకు ల్యాండ్‌ పూలింగ్‌ విధానం
- భూములిచ్చే వారికి అదే పరిశ్రమలో ఉద్యోగాలు
- మూడు రకాల విధానాలు పాటించి ఒప్పించాలి
- ప్రజా ప్రయోజనాలకు అత్యంత ప్రాధాన్యం ఇవ్వాలి
- స్పీడ్‌ ఆఫ్‌ డూయింగ్‌ బిజినెస్‌ సాకారమే లక్ష్యం
- ఎస్‌ఐపీబీ తొలి సమావేశంలో సీఎం చంద్రబాబు
అమరావతి(చైతన్యరథం): సచివాలయంలో మంగళవారం ముఖ్యమంత్రి చంద్రబా బు అధ్యక్షతన స్టేట్‌ ఇన్వెస్ట్‌మెంట్‌ ప్రమోషన్‌ బోర్డ్‌ తొలి సమావేశం జరిగింది. కూటమి ప్రభుత్వం ఏర్పడిన తరువాత జరిగిన తొలి సమావేశంలో గత ఐదేళ్లలో పెట్టుబడులు, ఒప్పందాలపై చర్చిం చారు. కూటమి వచ్చాక 5 నెలల్లో వివిధ పెట్టుబడుల ప్రతిపాదన లు, ఒప్పందాలు, వాటి పురోగతిపై సమీక్షించారు. మొత్తం 10 భారీ పరిశ్రమలకు సంబంధించి రూ.85,083 కోట్ల పెట్టుబడులకు ఎస్‌ఐపీబీ ఆమోదం తెలుపుతూ నిర్ణయం తీసుకున్నారు. ఇందులో ఆర్సెలర్స్‌ మిట్టల్‌ నిప్పాన్‌ స్టీల్స్‌ జెవి నక్కపల్లి సమీపం లోని బంగారయ్యపేట వద్ద ఇంటిగ్రేటెడ్‌ స్టీల్‌ ప్లాంట్‌ (క్యాప్టివ్‌ పోర్టుతో కలిపి) తొలిదశ నిర్మాణానికి రూ.61,780 కోట్లు పెట్టుబడులతో 21 వేల మందికి ఉద్యోగాలు కల్పిం చనుంది.
ఎల్‌జీ ఎలక్ట్రానిక్స్‌ ఇండియా ప్రైవేటు లిమిటెడ్‌ రూ.5,001 కోట్లు (1495 ఉద్యోగాలు), కళ్యాణి స్ట్రాటజీ సిస్టమ్స్‌ లిమిటెడ్‌ రూ.1430 కోట్లు (565 ఉద్యోగాలు), టాఫే ఫరేషియా ఇండియా ప్రైవేట్‌ లిమిటెడ్‌ రూ.76 కోట్లు (250 ఉద్యోగాలు), ఫిలిప్స్‌ కార్బన్‌ బ్లాక్‌ లిమిటెడ్‌ రూ.3,798 కోట్లు (200 ఉద్యోగాలు), అజాద్‌ ఇండియా మొబిలిటీ లిమిటెడ్‌ రూ.1046 కోట్లు (2,381 ఉద్యోగాలు), డల్లాస్‌ టెక్నాలజీ సెంటర్‌ ఎల్‌ఎల్‌పి రూ.50 కోట్లు (2 వేల ఉద్యోగాలు), ఆస్తా గ్రీన్‌ ఎనర్జీ వెంచర్స్‌ ఇండియా ప్రైవేట్‌ లిమిటెడ్‌ రూ.8,240 కోట్లు (4 వేల ఉద్యోగాలు), గ్రీన్‌ కో సోలార్‌ ఐఆర్‌ఈపీ ప్రైవేట్‌ లిమిటెడ్‌ రూ.2 వేల కోట్లు (1725 ఉద్యోగాలు), ఎకోరెన్‌ ఎనర్జీ ఇండియా ప్రైవేట్‌ లిమిటెడ్‌ రూ.1662 కోట్లు (350 ఉద్యోగాలు) పెట్టుబడులు పెట్టనున్నాయి. వీటికి ఎస్‌ఐపీబీ ఆమోదం తెలిపింది.
పెట్టుబడులు సాధించేలా కృషిచేయాలి: చంద్రబాబు
దేశంలో పెట్టుబడుల కోసం రాష్ట్రాల మధ్య తీవ్రమైన పోటీ ఉంది…ఆ పోటీని తట్టుకుని రాష్ట్రానికి పెట్టుబడులు సాధించేలా అధికారులు పనిచేయాలని ముఖ్యమంత్రి చంద్రబాబు సమావేశంలో సూచించారు. గత ప్రభుత్వ విధానాలతో ఐదేళ్ల పాటు పెట్టుబ డులు రాలేదని, ఒప్పందాలు చేసుకున్న వాళ్లు కూడా వెనక్కి వెళ్లిపోయారని గుర్తుచేశారు. ప్రభుత్వ టెర్రిరిజంతో పారిశ్రామిక వేత్తలు పారిపోయేలా చేశారన్నారు. ప్రభుత్వాలు తెచ్చే పాలసీలు సమాజంపై అత్యంత ప్రభావం చూపుతాయని, పరిశ్రమల వర్గాల అవసరా లు, కంపెనీల మంచి చెడులూ కూడా ప్రభుత్వాలు చూసి పాలసీలు రూపొందించాలని సూచించారు. రాష్ట్రానికి పెట్టుబడులు పెట్టడానికి వచ్చే వారికి గౌరవం ఇవ్వడంతో పాటు వారికి అన్నిరకాలుగా అధికారులు సహకరించాలని సూచించారు. పెట్టుబడులు పెట్టే వారిని ప్రోత్సహించేలా ప్రభుత్వంలోని ప్రతిఒక్కరూ పనిచేయాలని, దానివల్ల మన యువతకు ఉద్యోగ, ఉపాధి అవకాశాలు లభిస్తాయని పేర్కొన్నారు. ఏ పాలసీ తయారు చేసినా ప్రజాప్రయోజనాలతో పాటు పారిశ్రామికవేత్తల గురించి ఆలోచించాలని.. అప్పుడే పోటీని తట్టుకుని పెట్టుబడులు సాధించవచ్చని తెలిపారు. ఒక పెట్టుబడిపై చర్చ మొదలైతే దాన్ని సాకారం చేసే వరకు ట్రాక్‌ చేసి దాన్ని ఫలవంతం చేయాలని సూచించారు.
మూడు విధానాల్లో భూసేకరణ చేయాలి
పరిశ్రమల అవసరాలతో పాటు భూములు ఇచ్చే ప్రజల సంక్షేమం కూడా చూడాల్సి న అవసరం ఉందని సూచించారు. అర్సెలార్‌ మిట్టల్‌ స్టీల్‌ ప్లాంట్‌కు అవసరమైన భూములు సేకరించే క్రమంలో ల్యాండ్‌ పూలింగ్‌ విధానాన్ని పాటించాలని అధికారులకు సూచించారు. పెద్ద పెద్ద పరిశ్రమలకు భూములు కావాల్సిన చోట మూడురకాలుగా భూ సేకరణ చేపట్టాలని సూచించారు. రాజధాని అమరావతిలో చేపట్టినట్లు భూ సమీకరణ విధానాన్ని ప్రజల ముందు ఉంచాలని తెలిపారు. రెండో ఆప్షన్‌ కింద ఏ ప్రాజెక్టు కోసం అయితే భూములు తీసుకుంటున్నారో వాటిలో భూములు ఇచ్చే వారికి అవసరమైన స్కిల్‌ డెవలప్‌మెంట్‌ ఇచ్చి ఉద్యోగ, ఉపాధి అవకాశాలు కల్పించాలన్నారు. లేదంటే ఉన్నంతలో బెస్ట్‌ ప్యాకేజ్‌ ద్వారా భూ సేకరణ చేపట్టాలని సూచించారు. పెట్టుబడులు ఎంత ముఖ్య మో….భూములు కోల్పోయే ప్రజల భవిష్యత్‌ కూడా అంతే ముఖ్యం అన్న ఉపముఖ్య మంత్రి అభిప్రాయాన్ని సీఎం చంద్రబాబు బలపరిచారు.
భారీ ప్రాజెక్టుల వద్ద హౌసింగ్‌ కాలనీలతో పాటు సోషల్‌ లైఫ్‌కు అవసరమైన అన్ని సదుపాయాలు కల్పించేలా కంపె నీలతో పనిచేయాలని పేర్కొన్నారు. అర్సెలార్‌ మిట్టల్‌ స్టీల్‌ ఫ్యాక్టరీ ద్వారా ప్రత్యక్షంగా 61 వేల మందికి పరోక్షంగా లక్షల మందికి ఉపాధి లభిస్తుందని తెలిపారు. ఈ ప్రాజెక్టును 4 ఏళ్లలో కార్యరూపం దాల్చేలా చూడాలని మంత్రులకు సూచించారు. ఇది పూర్తి అయితే ఆ ప్రాంతంలో ఒక కొత్త నగరం ఏర్పాటు అవుతుందని తెలిపారు. అటు మూలపేట పోర్టు, ఈ స్టీల్‌ ప్రాజెక్టు పూర్తి అయితే ఆ ప్రాంతాల రూపురేఖలు మారిపో తాయని అన్నారు. పెట్టుబడుల విషయంలో కంపెనీలతో నిరంతరం సంప్రదింపులు జరిపి అన్ని అడ్డంకులు తొలగించి త్వరగా గ్రౌండ్‌ అయ్యేలా చూడాలని సూచించారు. దీని కోసం మంత్రులు, అధికారులు కంపెనీలతో చేసుకున్న ఒప్పందాలను ఎప్పటి కప్పుడు ట్రాక్‌ చేయాలని సూచించారు.
గత ప్రభుత్వం పరిశ్రమలకు ప్రోత్సాహకాలను ఇవ్వలేదు
ఈ సందర్భంగా అధికారులు పలు అంశాలను ముఖ్యమంత్రి దృష్టికి తీసుకువ చ్చారు. గత ప్రభుత్వం పరిశ్రమలకు ఇవ్వాల్సిన ప్రోత్సాహకాలను కూడా చెల్లించలేదని వివరించారు. 2014`19 మధ్య గత తెలుగుదేశం హయాంలో పరిశ్రమలకు ప్రోత్సాహ కాల కింద రూ.3883 కోట్లు చెల్లిస్తే..వైసీపీ ప్రభుత్వం గత ఐదేళ్లలో రూ.1961 కోట్లు మాత్రమే ఇచ్చిందని తెలిపారు. తెలుగుదేశం ప్రభుత్వం హయాంలో 66 శాతం మేర ప్రోత్సాహకాలు చెల్లించగా….వైసీపీ ప్రభుత్వం 34 శాతం మాత్రమే ప్రోత్సాహకాలు ఇచ్చిందని వివరించారు. ఈ సమావేశంలో ప్రభుత్వ ప్రధాన కార్యదర్శి నీరబ్‌ కుమార్‌ ప్రసాద్‌, డిప్యూటీ సిఎం పవన్‌కళ్యాణ్‌, 20 లక్షల ఉద్యోగాల కల్పన సబ్‌కమిటీ చైర్మన్‌ నారా లోకేష్‌, మంత్రులు అచ్చెన్నాయుడు, టి.జి.భరత్‌, కందుల దుర్గేష్‌, వాసంశెట్టి సుభాష్‌, గొట్టిపాటి రవి, అనగాని సత్యప్రసాద్‌, పయ్యావుల కేశవ్‌, బి.సి.జనార్దన్‌రెడ్డి, పొంగూరు నారాయణ, అధికారులు పాల్గొన్నారు.
