ఒకే జట్టుగా కలిసి పనిచేయాలి

• ఓట్ షేర్ పెరగాలి.. స్ట్రైక్ రేట్‌లో దూసుకెళ్లాలి
• తీవ్రవాది తరహాలో జగన్ ప్రవర్తిస్తున్నారు
• ఆయన ధ్యాసంతా ప్యాలెస్‌లు, ఆస్తులపైనే ఉంది
• కూటమి నేతలతో సీఎం చంద్రబాబు టెలి కాన్ఫరెన్స్

అమరావతి(చైతన్యరథం): రాష్ట్రవ్యాప్తంగా 45 వేల మంది కూటమి పార్టీల నాయకులు, కార్యకర్తలతో టీడీపీ అధినేత, ముఖ్యమంత్రి చంద్రబాబు టెలీకాన్ఫరెన్స్ నిర్వహించారు. సుపరిపాలన నినాదంతో టీడీపీ, జనసేన, బీజేపీ కలిసి 2024లో ఎన్నికలకు వెళ్లాం. ప్రజలు విశ్వసించి ఎన్డీఏకు చరిత్రాత్మక విజయాన్ని అందించారని తెలిపారు. ప్రజల నమ్మకానికి అనుగుణంగానే సుపరిపాలన అందిస్తున్నామని చెప్పారు. మÖడు పార్టీల కార్యకర్తలు సార్వత్రిక ఎన్నికల్లో ఒకే మాట-ఒకే బాట అన్నట్టుగా పని చేశారని చెప్పుకొచ్చారు. ఎన్నికల సమయంలో ఒక పార్టీలోనే అనేక ఇబ్బందులు ఉంటాయి..ఇప్పుడు కూటమిలో మూడు పార్టీలు ఉన్నప్పుడు సమస్యలు కూడా ఉంటాయని తెలిపారు. అయితే రాష్ట్రం కోసం ఆ చిన్నచిన్న సమస్యలను అధిగమించాలని నేతలకు తెలిపారు. సార్వత్రిక ఎన్నికల్లో ఏ విధంగా కలిసి పనిచేశారో… అదే విధంగా స్థానిక ఎన్నికల్లోనూ మÖడు పార్టీలు ఒకే జట్టు అన్నట్టు ఉండాలని పిలుపునిచ్చారు. పార్టీ అధినేతలంతా కూర్చొని సీట్లపై క్లారిటీ ఇచ్చామని… దానికి తగ్గట్టుగా కూటమి కార్యకర్తలు పని చేయాలని తెలిపారు. ఇప్పుడు సీట్లు రాని వారికి నామినేటెడ్ పదవులు, చైర్మన్ పదవుల ద్వారా అవకాశం కల్పిస్తా మని స్పష్టం చేశారు. ఎన్డీఏ నిర్ణయించిన అభ్యర్థులకే మద్దతు తెలిపాలని… వారి విజయానికి కృషి చేయాలని పిలుపునిచ్చారు. రెబల్స్, స్వతంత్రులుగా పోటీలో ఉండటానికి వీల్లేదని…ఇది కూట మి ధర్మానికి విరుద్ధమని స్పష్టం చేశారు.

సుప్రీంకోర్టులోనూ గొడ్డలిపార్టీకి చుక్కెదురు
స్థానిక సంస్థల ఎన్నికలను అడ్డుకునేందుకు గొడ్డలి పార్టీ 62 పిటిషన్లు వేసి సుప్రీంకోర్టు వరకూ వెళ్లిందని విమర్శించారు. సుప్రీంకోర్టు కూడా ఎన్నికలను వాయిదా వేయడానికి అంగీక రించలేదన్నారు. అర్నబ్ తుఫాన్ ప్రభావం రాష్ట్రంపై గట్టిగా ఉందని.. రాష్ట్రంలోని తుఫాన్ పరిస్థితిని కేంద్రమంత్రి అమిత్ షాకు వివరించినట్లు చెప్పారు. రెండ్రోజులుగా తుఫాన్‌పై సమీక్షిస్తూనే మరోవైపు పార్టీకి సమయం కేటాయిస్తున్నామ న్నారు. మూడు పార్టీల నేతలు చర్చించుకుంటూ స్థానిక సంస్థల ఎన్నికల్లో సీట్ల కేటాయింపులు జరిపామని తెలిపారు. ప్రజల్లో కూటమి ప్రభుత్వం పట్ల సంతృప్తి ఉందని..క్యాలెండర్ ప్రకారం సంక్షేమం ఇస్తున్నామన్నారు. డీఎస్సీ నిర్వహించామని.. పేదల కు ఇళ్ల పట్టాలు ఇచ్చా మని చెప్పారు. రైతులకు పట్టాదారు పాసుపుస్తకాలు అందించా మని, గుంతలు లేని రోడ్లు నిర్మిస్తున్నామని తెలిపారు. గత ప్రభుత్వం బటన్లు నొక్కుతున్నా మంటూ అభివృద్ధి కార్యక్రమాలను పక్కన పెట్టిందంటూ ఆగ్రహం వ్యక్తం చేశారు. 2024లో కూటమికి వచ్చిన ఓట్ల కంటే ఎక్కువ ఓట్లు రావాలని సూచించారు.

ఇప్పుడూ అదే స్ఫూర్తితో పనిచేయండి
ఓట్ షేర్ పెరగాలి.. స్ట్రైక్ రేట్‌లో దూసుకెళ్లాలి.. మూడు పార్టీల కార్యకర్తలు గతంలో ఎవరు అభ్యర్థి అనేది చూడకుండా ఓటు వేసి గెలిపించారని గుర్తుచేశారు. మనసు పెట్టి పని చేశారని… ఇప్పుడూ అదే స్ఫూర్తితో పనిచేయాలని సూచించా రు. గొడ్డలి పార్టీ చతికల పడిందని… బెంగళూరులో కూర్చొని కుట్రలు పన్నుతున్నారని ఆరోపించారు. హిట్ అండ్ రన్ మాదిరి తీవ్రవాది తరహాలో జగన్ ప్రవర్తిస్తున్నారని దుయ్యబ ట్టారు. గొడ్డలి పార్టీ అధినేత ధ్యాసంతా ప్యాలెస్‌లు, ఆస్తులపైనే ఉందని వ్యాఖ్యానించారు. ఆస్తులు కూడబెట్టు కునే పనిలో గొడ్డలి పార్టీ అధ్యక్షుడు చాలా బిజీగా ఉన్నారంటూ ఎద్దేవా చేశారు. ఆ పార్టీ అరాచకాలను, ఆకృత్యాలను ప్రజలకు తెలియజేయాలన్నారు. వైసీపీ ఓటు బ్యాంక్ ఇప్పటికే తగ్గిపోయిందని…అది ఇంకా తగ్గుతుందన్నారు. రాష్ట్రం బాగు కోసం మరింత తగ్గాలని తెలిపారు. ‘మనం ప్రజల కోసం నిబద్ధతగా పనిచేస్తున్నాం. అవతలి వారు గాలికి ఎలా తిరుగుతున్నారో అందరూ చూస్తూనే ఉన్నారు. నరేంద్రమోదీ నాయకత్వంలో కేంద్రం, రాష్ట్రంలో ఎన్డీఏ బలంగా ఉండాలి. కార్పొరేషన్లు, మున్సిపాలిటీలు, ఎంపీటీసీలు, జడ్పీటీసీలు అన్నీ మనమే గెలవాలి. ఇప్పుడు డబుల్ ఇంజిన్ సర్కారులో ఉన్నాం… ట్రిబుల్ ఇంజిన్ సర్కార్ రావాలి. తక్కువ సమయమే ఉంది..ఈ వారం పాటు చురుగ్గా పనిచేయాలని దిశానిర్దేశం చేశారు.