దోపిడీయే జగన్‌ ఇసుక పాలసీ

• ఐదేళ్లుగా ఇసుక దోపిడీయే లక్ష్యంగా జగన్‌ ప్రత్యేక విధానం
• కేవలం ఇసుక దోపిడీతోనే రూ.56 వేల కోట్లు కొల్లగొట్టాడు
• కేంద్ర కమిటీ నివేదికతో వాస్తవాలు బట్టబయలు
• ఈ నివేదికపై ప్రభుత్వం స్పందిస్తుందని అనుకోవడం లేదు
• ధ్వజమెత్తిన టీడీపీ పొలిట్‌బ్యూరో సభ్యుడు ఆనంద్‌బాబు

అమరావతి: దోపిడీయే పాలసీగా జగన్‌రెడ్డి ప్రభుత్వం యథేచ్ఛగా ఇసుక దోపిడీకి పాల్పడుతోందని టీడీపీ పొలిట్‌బ్యూరో సభ్యుడు, మాజీమంత్రి నక్కా ఆనంద్‌బాబు విమర్శించారు. ప్రభుత్వం సాగిస్తున్న ఇసుకదోపిడీని ప్రతిపక్షాలు,ప్రసారమాధ్యమాలు ఎప్పటి నుంచో ప్రశ్నిస్తున్నాయన్నారు. టీడీపీ అధినేత చంద్ర బాబునాయుడు 6 నెలల క్రితమే ఇసుకాసురుడు జగన్‌ రెడ్డి రూ.40వేలకోట్ల మేర ఇసుక దోచేశాడని ఆధారా లతో సహా వాస్తవాలను ప్రజలముందు ఉంచారన్నారు. ఆ మొత్తం ఇప్పుడు రూ.56 వేలకోట్లు దాటిందన్నారు. మంగళగిరిలోని పార్టీ జాతీయ కార్యాలయంలో గురు వారం ఆయన విలేకరులతో మాట్లాడుతూ ఇసుక దోపి డీపై మీడియా, ప్రతిపక్షాలు ఎంతగా మొత్తుకున్నా వైసీపీ ప్రభుత్వం పట్టించుకోలేదన్నారు.రాష్ట్రంలో జరిగే ఇసుక దోపిడీపై హైకోర్ట్‌లో, సుప్రీంకోర్టులో, ఎన్‌జీటీ (నేషనల్‌ గ్రీన్‌ ట్రైబ్యునల్‌)లో పలు పిటిషన్లు దాఖల య్యాయి. ఇసుకదోపిడీపై ఎన్‌జీటీలో విచారణ జరిగేట ప్పుడు రాష్ట్రప్రభుత్వ న్యాయవాది పచ్చి అబద్ధాలు చెప్పాడు. రాష్ట్రంలో ఎక్కడా ఇసుక తవ్వకాలు జరగడంలేదని బొంకాడు. మరోసారి హైకోర్టులో మూడురోజుల్లో మూడు విరుద్ధ వాదనలు చేశాడు. రాష్ట్రంలో యథేచ్ఛగా సాగుతున్న ఇసుక తవ్వకాలపై ఎన్‌జీటీ స్టే ఇస్తే, జగన్‌ సర్కార్‌ సుప్రీంకోర్టుని ఆశ్రయించి స్టే తెచ్చుకుంది. జగన్‌ రెడ్డి తన దోపిడీని కొనసాగించడానికి, న్యాయస్థానాల్ని తప్పుదారి పట్టించడానికి కూడా ప్రజల సొమ్మునే వినియోగిస్తున్నాడని ఆనంద్‌బాబు దుయ్యబట్టారు.

కేంద్ర కమిటీ నివేదికతో ఇసుకదోపిడీ బహిర్గతం..

ఎన్‌జీటీ ఆదేశాలతో జనవరి 17, 18, 19 తేదీల్లో కేంద్ర పర్యావరణ, అటవీ శాఖ, పొల్యూషన్‌ కంట్రోల్‌ బోర్డుకు చెందిన అధికారుల కమిటీ రాష్ట్రంలో పర్యటించి ఇసుకదోపిడీపై నిజానిజాలు నిగ్గుతేల్చింది. ఆంధ్రప్రదేశ్‌ లో అడ్డగోలుగా ఇసుక తవ్వకాలు జరుగుతున్నాయని, అందుకు సాక్ష్యాలుగా గూగుల్‌ టేకౌట్‌ ద్వారా రీచ్‌ లలో జరిగే తవ్వకాలకు సంబంధించిన ఫోటోలను కమిటీ సమర్పించింది. ఆ కమిటీ నివేదికలో ఇంకా అనేక విస్తుగొలిపే అంశాలున్నాయి. రాష్ట్రంలోని పలు రీచ్‌ల్లో భారీ యంత్రాలతో ఇసుక తవ్వుతున్నారని, ఒక్కో పొక్లెయిన్‌ బకెట్‌ దాదాపు 2టన్నుల ఇసుక తోడేంత భారీస్థాయిలో ఉందని నివేదికలో పేర్కొన్నారు. రాష్ట్రంలో జరుగుతున్న ఇసుకఅక్రమ తవ్వకాలకు కలెక్టర్లు కూడా వంతపాడుతున్నారని కేంద్ర కమిటీ తేల్చింది. ఇసుక సరఫరా చేసే లారీలకు రీచ్‌ల్లో అన్నీ దొంగబిల్లులు ఇస్తున్నారని, ప్రభుత్వం నియమించిన సెబ్‌ (స్పెషల్‌ ఎన్‌ఫోర్స్‌మెంట్‌ బ్యూరో) అధికారులు కూడా అక్రమ ఇసుక తవ్వకాల వైపు కన్నెత్తి చూడటం లేదని కమిటీ వెల్లడిరచింది. కొన్ని రీచ్‌ల్లో భారీ వాహనాలు నేరుగా నది మధ్యలోకి వెళ్లేలా రోడ్లు కూడా వేశారని ఆనంద్‌ బాబు విమర్శించారు. (రోడ్లు.. ఇసుక తవ్వకాలకు సంబంధించి గూగుల్‌ టేకౌట్‌ ద్వారా తీసిన ఫోటోలను ఆనంద్‌ బాబు విలేకరులకు ప్రదర్శించారు)

కలెక్టర్లు, అధికారులు, కాంట్రాక్ట్‌ సంస్థలు శిక్షార్హులే..

జగన్‌ రెడ్డి, అతని ప్రభుత్వం సాగిస్తున్న అడ్డగోలు ఇసుకదోపిడీకి సహకరిస్తున్న కలెక్టర్లందరూ కచ్చితంగా జైలుకెళ్లడం ఖాయం. 25 మంది కలెక్టర్లు రాష్ట్ర ప్రభుత్వాన్ని సమర్థిస్తూ కేంద్ర ప్రభుత్వ విభాగాలకు తప్పుడు నివేదికలు ఇచ్చారని సదరు విచారణ కమిటీ తేల్చింది. కేవలం ఇసుక దోపిడీలోనే ఇంతమంది కలెక్టర్లు తప్పుచేసినట్టు తేలితే, ఇతరత్రా జరిగే దోపిడీల్లో ఇంకెందరి ప్రమేయం ఉందో చెప్పాల్సిన ఉంది. రాష్ట్రంలో జేపీ వెంచర్స్‌ సంస్థ ఇసుక తవ్వకాలు సాగిస్తోందని, సదరు సంస్థకు కాంట్రాక్ట్‌ ఇచ్చినందున ఏపీ ప్రభుత్వానికి రూ.1528కోట్ల ఆదాయం వచ్చిందని మైనింగ్‌ శాఖ ప్రిన్సిపల్‌ సెక్రటరీ ద్వివేదీ చెప్పడం పచ్చి అబద్ధం. జేపీ సంస్థ ప్రభుత్వానికి రూపాయి కూడా కట్టలేదు. జగనన్న కాలనీలకు ఇసుక సరఫరా చేశారని, గృహనిర్మాణ శాఖ నుంచి జేపీ సంస్థకు ప్రభుత్వం రూ.1100 కోట్లు చెల్లించింది. నాడు-నేడు పథకం కింద పాఠశాలల మరమ్మతులకు ఇసుక అందించారని రూ.80 కోట్లు, ఆర్‌ అండ్‌ ఆర్‌ కింద రూ.50 కోట్లు చెల్లించారు. 2023 నవంబర్‌ వరకు జేపీ పవర్‌ వెంచర్స్‌ పేరుతో జగన్‌ సర్కార్‌ అడ్డగోలుగా ఇసుక దోపిడీకి పాల్పడిరది. ఇప్పుడు ప్రతిమ, జేసీకేసీ సంస్థల్ని రంగంలోకి దింపింది. ఈ సంస్థలకు ఎలాంటి అనుమతులు లేవు. కానీ వాటి పేరుచెబుతూ వైసీపీ నేతలే ఇష్టానుసారం ఇసుక తవ్వకాలు సాగిస్తున్నారు. ప్రభుత్వం చూసుకుంటుందిలే అన్న ధీమాతో కాంట్రాక్ట్‌ సంస్థలు కూడా తప్పులు చేస్తున్నాయి. రాష్ట్రంలో జరిగే ఇసుకదోపిడీకి ముమ్మాటికీ ముఖ్యమంత్రే బాధ్యుడైనప్పటికీ, దోపిడీకి సహకరిస్తున్న కాంట్రాక్ట్‌ సంస్థలకు కూడా శిక్ష ఖాయం. ఏపీఎండీసీ ఎండీ, మైనింగ్‌ డైరెక్టర్‌ పోస్టులో అర్హతలేని వ్యక్తిని నియమించారు. అతను ప్రభుత్వ దోపిడీకి సహకరిస్తూ వ్యవస్థల్ని మేనేజ్‌ చేస్తూ తెలివిగా ప్రవర్తిస్తున్నాడు. అతనితో పాటు ఇసుకదోపిడీకి సహకరిస్తున్నఇతర శాఖల అధికారులు, పోలీసులు కూడా శిక్షార్హులే. కోర్టులు చెప్పినా, పర్యావరణ సంస్థలు చెప్పినా జగన్‌ ప్రభుత్వానికి సిగ్గు, శరం లేదు. తన దోపిడీని బయటపెట్టాడన్న అక్కసుతోనే చంద్రబాబుపై ముఖ్యమంత్రి తప్పుడు కేసులు పెట్టించాడు. జగన్‌ రెడ్డి ఇసుకదోపిడీ సహా, ఇతర దోపీడీలన్నింటినీ ప్రజల ముందు పెడతాం. ఎన్నికల నాటికి ఏం చేయాలో వారే నిర్ణయం తీసుకుంటారని ఆనంద్‌బాబు అన్నారు.