అమరావతి (చైతన్యరథం): ఈ నెల 17వ తేదీన చిలకలూరిపేటలో టీడీపీ ` జనసేన ఉమ్మడిగా నిర్వహిస్తున్న బహిరంగసభకు జనా న్ని తరలించేందుకు అవసరమైన బస్సులు కేటా యించాలని ఆర్టీసీ అధికారులకు టీడీపీ రాష్ట్ర అధ్యక్షుడు కింజరాపు అచ్చెన్నాయుడు విజ్ఞప్తి చేశారు. ఈ మేరకు శుక్రవారం ఆర్టీసీ వైస్‌ చైర్మన్‌, ఎండీకి అచ్చెన్నాయుడు లేఖ రాశారు. త్వరలో ఎన్నికల నోటిఫికేషన్‌ రానున్నందున ఈ నెల 17న చిలకలూరిపేటలో టీడీపీ ` జన సేన భారీస్థాయిలో ఉమ్మడి సమావేశం నిర్వ హించనున్నాయన్నారు. ఉభయ రాష్ట్రాలలోని అనేక ప్రాంతాల నుంచి ప్రజలు ఈ సమావేశా నికి హాజరుకానున్నారు. ప్రజలు సమావేశానికి హాజరై తిరిగివారి గృహాలకు వెళ్లేందుకు రవాణ సౌకర్యం అత్యవసరం.
గతంలో తెలుగుదేశం పార్టీ సమావేశాలకు అద్దె బస్సులు ఇవ్వాలని ఎన్నో సార్లు కోరినా ఇవ్వలేదు. అధికార పార్టీ సమావేశాలకు మాత్రం పెద్దసంఖ్యలో ఆర్టీసీ బస్సులు పంపుతూ వివక్షాపూరితంగా వ్యవహరి స్తున్నారు. కేవలం అధికారపార్టీకి మాత్రమే అనుకూలంగా వ్యవహరించడం ప్రజాస్వమ్యం లో సహేతుకం కాదు. ప్రజలకు ప్రయాణ సౌక ర్యం కల్పించే నిమిత్తం అద్దె బస్సులు ఇవ్వాలని తెలుగుదేశంపార్టీ మరోసారి కోరుతోంది. చిలకలూరిపేట సభకు అద్దె బస్సులు ఇవ్వాలని పార్టీ తరపున కోరుతున్నామని లేఖలో అచ్చెన్నాయుడు పేర్కొన్నారు.
అక్కచెల్లెమ్మలకు మహిళా దినోత్సవ శుభాకాంక్షలు
మానవాళికి ప్రాణం పోసే మహిళా లోకానికి టీడీపీ రాష్ట్ర అధ్యక్షుడు కింజరాపు అచ్చెన్నాయుడు అంతర్జాతీయ మహిళా దినోత్సవ శుభాకాంక్షలు తెలిపారు. ‘ఆమె’ లేని లోకాన్ని ఊహించుకోవడమే కష్టం. కానీ.. గత ఐదేళ్లుగా జగన్‌ రెడ్డి పాలనలో మహిళలు పడిన వేదన, ఆందోళన వర్ణించడం సాధ్యం కాదు. దాడులు, దౌర్జనాలతో మహిళాలోకం బిక్కచచ్చిపోయింది. కల్తీ మద్యంతో లక్షలాది మంది మహిళల మాంగల్యాలు తెంచారు. సొంత చెల్లెళ్లను, కన్న తల్లిని ఇంట్లోంచి గెంటేసిన దుర్మార్గుడు ముఖ్యమంత్రి జగన్‌ రెడ్డి. ఇన్నాళ్లూ కల్ల్లబొల్లి మాటలతో మభ్యబెట్టారు. బటన్‌ నొక్కుడు అంటూ కట్టు కథలు చెబుతూ దగా చేశాడు.
మహిళలు మహారాణుల్లా బతకాలని చంద్రబాబు నాయుడు అహర్నిశలు అండగా నిలిచారు. అంతర్జాతీయ వేదికలపై కూచుండబెట్టారు. డ్వాక్రాతో ఆర్థిక స్వాతంత్య్రం కల్పించారు. విద్య, ఉద్యోగం, ఉపాధిలో తోడ్పాటు అందించారు. కానీ, జగన్‌ రెడ్డి అధికారంలోకి వచ్చాక హత్యలు, అత్యాచారాలు తప్ప అండగా నిలవాలనే ఆలోచనే చేయలేదు. ఇన్నాళ్లూ అనుభవించిన వేదన చాలు. మహిళా శక్తిని మహాశక్తిగా గుర్తించే తెలుగుదేశం పార్టీ జెండా పట్టి.. అరాచక శక్తుల్ని తరిమికొట్టండి. మరో 40 రోజుల్లో మహిళా పక్షపాత ప్రభుత్వం రాబోతోంది. మహిళల్ని మభ్యబెట్టే రోజులు పోయి.. మహారాణుల్లా గుర్తించే ప్రభుత్వం ఏర్పడనుందని అచ్చెన్నాయుడు అన్నారు.
