జగన్ ప్రభుత్వానికి సుప్రీంకోర్టులో మరో ఎదు రుదెబ్బ తగిలింది. అమరావతి ఇన్నర్ రింగ్రోడ్డు (ఐఆర్ఆర్) కేసులో టీడీపీ అధినేత చంద్రబాబుకు హైకోర్టు ఇచ్చిన ముందస్తు బెయిల్ను తిరస్కరిం చాలంటూ సీఐడీ దాఖలుచేసిన పిటిషన్ను సుప్రీం కోర్టు సోమవారం కొట్టివేసింది. కనీసం నోటీసులు జారీ చేసి వాయిదా వేయడానికి కూడా నిరాకరిం చింది. చంద్రబాబు బెయిల్ షరతులు ఉల్లంఘిం చారని అనిపిస్తే కింది కోర్టులో బెయిల్ రద్దుకు పిటిషన్ దాఖలు చేసుకోవచ్చని సూచించింది. అస లు లేని, కట్టని, ఒక్క ఎకరం భూసేకరణ చేయని ప్రాజెక్టులో..లబ్ధి పొందారంటూ సీఐడీ కేసు నమో దు చేయడం విచిత్రం అయితే.. దానిపై హై కోర్టు ఇచ్చిన బెయిల్ను రద్దు చేయాలని సుప్రీం కోర్టు వరకూ వెళ్లి ఏపీ సర్కార్ కోరడం మరో విచిత్రం.
ఇన్నర్ రింగ్ రోడ్డు కేసులో చంద్రబాబుకు ఏపీ హైకోర్టు ముందస్తు బెయిల్ మంజూరు చేసిన సంగతి తెలిసిందే. ఈ నేపథ్యంలో, చంద్రబాబు ముందస్తు బెయిల్ రద్దు చేయాలని కోరుతూ… హైకోర్టు ఉత్తర్వులను సుప్రీంకోర్టులో ఏపీ ప్రభు త్వం సవాల్ చేసింది. ఈ పిటిషన్ను విచారించిన జస్టిస్ సంజీవ్ ఖన్నా, జస్టిస్ దీపాంకర్ దత్తాలతో కూడిన సుప్రీంకోర్టు ధర్మాసనం ఏపీ ప్రభుత్వ పిటిషన్ను తిరస్కరించింది. ఇదే కేసులో సహ నిం దితులపై ఉన్న ఉత్తర్వులు చంద్రబాబుకు కూడా వర్తిస్తాయని ధర్మాసనం స్పష్టం చేసింది.
2022లో ఇన్నర్ రింగ్ రోడ్డు కేసులో స్పెషల్ లీవ్ పిటిషన్ దాఖలయిందని సుప్రీంకోర్టు తెలిపిం ది. ఈ కేసులోని ఇతర నిందితులంతా ముందస్తు బెయిల్పై ఉన్నారని… చంద్రబాబు బెయిల్ మాత్ర మే రద్దు చేయాలని ఎందుకు కోరుతున్నారని ప్రశ్నించింది. ఒకే ఎఫ్ఐఆర్లో ఉన్న నిందితు లంతా బెయిల్పై ఉన్నప్పుడు… అవే నిబంధనలు చంద్రబాబుకు కూడా వర్తిస్తాయని తెలిపింది. చంద్రబాబుకు నోటీసులు ఇవ్వడానికి కూడా సుప్రీంకోర్టు నిరాకరించింది. ఈ కేసులో కూడా 17ఏ నిబంధన వర్తిస్తే ఏం చేస్తారని ధర్మాసనం ప్రశ్నించింది. సెక్షన్ 420 కింద కూడా దర్యాప్తు జరుగుతుందని సుప్రీంకోర్టుకు ప్రభుత్వ తరపు న్యాయవాది తెలిపారు. పలు ఐపీసీ సెక్షన్లు కూడా దీనికి ఉన్నాయని చెప్పారు. దీనిపై సుప్రీంకోర్టు స్పందిస్తూ… ఈ కేసుకు సెక్షన్ 420ఎలా వర్తిస్తుం దని ప్రశ్నించింది. ప్రస్తుత దశలో ఈకేసులో జోక్యం చేసుకోలేమని ధర్మాసనం స్పష్టం చేసింది. ఏపీ హైకోర్టు అన్ని అంశాలను పరిగణనలోకి తీసు కునే ఉత్తర్వులు ఇచ్చిందని ధర్మాసనం అభిప్రాయ పడిరది. కేసు దర్యాప్తుపై ముందస్తు బెయిల్ ప్రభా వం ఉండదని న్యాయస్థానం వ్యాఖ్యానించింది. చంద్రబాబు విచారణకు సహకరించకపోతే బెయిల్ రద్దు పిటిషన్ వేసుకోవచ్చుని తెలిపింది. ప్రభుత్వ పిటిషన్ను తోసిపుచ్చింది. చంద్రబాబుపై సుప్రీం కోర్టులో ఏయే కేసులు ఉన్నాయని ధర్మాసనం అడ గటంతో, చంద్రబాబు న్యాయవాది సిద్ధార్థ లూథ్రా పలు ధర్మాసనాల ముందు ఉన్న కేసుల వివరాలను అందించారు.
జగన్ ప్రభుత్వానికి ఎదురుదెబ్బ
ఐఆర్ఆర్ కేసులో చంద్రబాబు బెయిల్ రద్దు పిటిషన్ కొట్టేసిన సుప్రీం కోర్టు
