గజదొంగల కాల్‌సెంటర్‌

(చైతన్యరథం ప్రత్యేక కథనం – అమరావతి)

తండ్రి అధికారాన్ని అడ్డుపెట్టుకొని మనీలాండరింగ్‌, బ్యాంకులను మోసగించడం, క్విడ్‌ ప్రోకో వంటి తీవ్రమైన నేరాలకు పాల్పడి లక్షకోట్ల ప్రజాధనాన్ని కొల్లగొట్టి 16నెలల చిప్పకూడు తిన్న ఎ1,ఎ2లు ఇప్పటికీ బెయిల్‌ పైనే తిరుగుతూ సిగ్గులజ్జా లేకుండా అవినీతిరహిత పాలన అంటూ చేస్తున్న ప్రకటనలు చూసి యావత్‌ రాష్ట్రప్రజానీకం సిగ్గుతో తలదించుకుంటోంది. ప్రభుత్వ సేవల్లో అక్రమాలకు తావులేకుండా కఠిన వైఖరి కోసమంటూ అవినీతిపై బ్రహ్మస్త్రం పేరిట ముఖ్యమంత్రి జగన్‌ రెడ్డి ప్రవేశపెట్టిన 14400 కాల్‌ సెంటర్‌ చూసి 5కోట్ల ఆంధ్రులు ముక్కున వేలేసుకుంటున్నారు. చేయిచేయి కలిపి అవినీతిని తరిమేద్దాం అంటూ జగన్‌ రెడ్డి ఇచ్చిన ప్రకటనలో కొద్దిపాటి మార్పులు చేసి ఇద్దరం కలిసి రాష్ట్రాన్ని దోచేద్దామని ఎ1, ఎ2ల బొమ్మలతో యాడ్‌ వేసి ఉంటే సందర్భోచితంగా ఉండేది. ఏమంటారు మిత్రులారా?